Jesuh Nih Theipi Kung Chiat A Serh

Baihmaithi

mah ka van tial duhnak hi..zeidang si lo in hi vawlei cung ah hin biaknak taampi a um i.kawlpa phungki in a chuak mi pa he bia kan rah i el mi te kha chim ka duh mi cu si..biaknak kong ah..biaknak dang zong hi khrihfa bible an rel lo ti hna ah kan ruah sualhna lai.khrihfa Bible hi an rah rel ve tak2 khi asi, mah ti i i ton caan a um tawn caah mah ka(marka 11:11-14 nak te hi a si, kawlphungki pa nih a ka chim mi te cu, nan Biakmi Pathian Jesuh tham cu, theipi kung a tlai caan si lo mi, a tlai lo mi cu chiat a serh ti ah a ka ti I Pathian ti awk tlak zong si lo a thintawi tuk ti ah a ka ti Pathian ka si i ti ve tung theipi kung a tlai caan si lo mi I a tlai lomi cu chiat a serh, zulh awk tlak zong si lo ti ah a ka ti i chim awk a har ngai kanmah zumtu a ti mi chung zong ah mah ka zawn te ah hin a buai mi hi um khawh si, Bawi Jesuh hi mawhchiat khawh a si, cucaah cun a tawinak chung in fiangter khawh kan i zuam lai I ka thei/ka ngalh/ka thiam ti nak si lo in ka rah ton ve mi si ca ah si, a sau ti lo te in rel piak khawh tu ka zuam piak te u.

.Theipi Tlai Caan A Si Lo/Si Ah Zei Tlai Dah a Kawl Ne?

palestine ram ah khin march thla dih lei maw/april thla thar leikam paoh ah khin theipi tlai hma sa(buds/first fruit)a tlai tawn, hihi atheitlai taktak (nolmar crop figs)a rah tlai cun a ziam ve tawnmi si, Jesuh nih a van kawlmi hi atlai hmasa kha si, hi a tlai hmasa hi Israel mi hna le khualtlaawng/vakvai/tlungkalmi hna nih tlunkal pah i an rawltaam hnemhnak ah an hman tawn mi a si ti si, i atlai hmasa a um lo ah cun theipi hi a tlai lai lo ti nak zong a si ti nak khi si, hi a tlai hmasa mi nih hin a hnu hnung deuh I atlai taktak dingmi dirhmun zong kha fiangte in a langh ter ti nak si, cu tlai hmasa a that cun hnu deuh tlai mi zong a tha lai ti nak si fawn ti asi, mah hi kan mah lailei zongah thingthei ah a tlai hmasa le tlai hma dung in a ummi bantuk khi si ve.(marka 11:13 ah hin theipi tlai taktak atlai caan cu si bak lo, tlai hmasa buds/firth-fruth)a tlai hmasa kan ti lai maw, a hnu tlai ding van langh tertu kan ti lai dah, tlai hmasa hi kan Bawipa Jesuh zong nih a um hnga maw ti ah a va kawl ve a va zoh ve mi cu a si..

.Theipi Kung Nih Jesuh A Hlen A Hnah A Um I A Thei Tlai Lo

Judah mi hna nih an i theih palh bal lo mi thil pakhat a rah um, theipi kung a hnah no a hung corh I, a hnah hringmi a hun i borh ah khin cun tlai hmasa a um tawn ti ah hopaoh nih an hmuh ning si, theih khawhnak ding i a lang ngaimi pakhat cu a hnah cu a si I a hnah a borh ngaitung i a thei um tung lo cu khua ruah har ngai khi a si, hi nih hin a langtermi pakhat cu hi theipi kung hi a tlai lai lo ti nak si ko, cucaah theipi kung mihlen hmang ti nak si, hi theipi kung nih hin zeihmanh a chim lo daite in a um ko nain theipi kung sual mi hlen hmang ti nak si, Bawi Jesuh nih cikkhat te ah theipi kung chiat a serh nak zong hi, theipi kung nih BawiJesuh a hlen caah a si, hi nih hin thlarau lei ah cawnpiak mi a kan ngeih, mah a kan cawnpiakmi cu ka van chim ko lai I lenglang sawh2 men i BawiJesuh zultu si, riantuan tu si cun a min menmen i khrihfa si i chunglei tak2 in BawiJesuh a daw taktak tung lomi hna, Thlarau riantuannak a pawm tung lomi hna .zumtu i ti ve tung i intuar nak tontik ah tuarduh tung lo mi pawl a sawhsawh men i um i a nuamnak lawng duh mi khrihfa, chunglei thlarau nun ngei tung lomi hna hi a ti duhbik mi hna an si ko rua dah mah bantuk cu BawiJesuh a hlen mi an si ve ti nak si, cucaah mah bantuk zumtu nih an codingmi cu hau i mei chung i peih kha si ko, hell ah peih kha asi ko.

.Bawi  Jesuh Nih Theipi Kung Chiat A Serh

kawlphungki pa chim bantuk in Jesuh zong hi a thin aa sum kho ve bak lo a thin tawi ngaimi a lo, a thin sau khobak ve lo kan ti lai cu zeica kan ti ah cun theipi kung nih a ka hlen ti a thei bak in chiat a serh colh ko, tih nung taktak khi asi hi nih a kan cawnpiak mi pakhat cu a taktak a lo ngai i, a taktak si tung lo mi hna hi asi, khrihfa a timi chungzong ah kan um ko hna hih khrih nun ngei taktak mi le lenglang sawh men i khrihfa si mi ti in ka chim duhmi cu nan van theih khawh ko lai dah ka ti.(hypocyites/pretenders) hi a huat taktak mi cu a si, farasi mi zong kha Jesuh nih a tonghnak hna kha si, nan nih farasi mi hna nan caah ngeichia a va si dah mi depde hna si rang an thuh mi thlan bantuk nan si, lenglei cun a dawhko sihmanhsehlaw a chung lei cu mithi ruh le a thu mi in pei a khat cu cubantuk thlan cu nan si a lenglei cun mitha ko nan lo sihmanhsehlaw nan chunglei cu lih le sual nak in a khat tiah a ti hna cu lawng si lo in hi mi hna nih hin an ka cun an ka thangthat .na in an thinlung cun an ka hlat ngaingai tiah fak ngai in rah ti hna, theipi kung zong hi a taktak a lo ngai mi a taktak si tung lo mi asi caah chiat a serh nak zong hi si.(chance). a caan pek zong ah a tlai ti lailo ti a theih caah a si, hi bantuk in khrihfabu ah a pe ngaitung, thawhlawm pe ah thawn ngai thil dangzong ah a hmang ngai tung I chunglei in Pathian tihzah nak taktak a ngei tung lomi pawl, chunglei nunnak taktak ngei tung lo pawl thlarau riantuan ning a do ngai tungmi pawl kha an si, hihi cu minung nih kan thei kho theng hnalo, nain Pathian nih cun a theih hna i a huat taktak mi hna an si, Pathian nih a za cang a ti tikah a hau dingmi hna cu an si.

Bawi Jesuh nih theipi kung kong a chim tik ah in Israel mi hna Judah mi hna kong hi a chim duhmi cu a si deuh tawn.(Mtt 24;32/Mk 13:28/Luka 13:7)a zultu hna nih theipi kung a thih cu an hmuh tik ah an khuaruah a har nagingai Bawi Jesuh nih thil si ning a chimh hna i an zumhnak biapi ngai a si zia kha a cawnpiak hna, theipi nihhin Israel mi hna an dirhmun a langh ter mi si I Pathian nih Israel mi hna cu a riantuantu ding ah le hi vawlei ceu si ding ah a kawhmi hna an si nain Pathian auh nak cu ngai duh lo in Pathian nih a van thlah mi a Fapa Bawi Jesuh zong an zum duh lo cu lawng si rih loin Pathian nih a timh lamhmi le, a kawhnak hna kha tlamtlinhter an duhlo ruangah  Pathian nih harsa taktak in an um can a phan te lai ti kha a langh ter mi cu a si.

Mi tampi zong zumhnak leiah aa zuam taktakmi hi kan um ve, lenglei in afeltaktak .na in chunglei thlarau nun ah a theitlai hmuh awk um thengtung lomi, kan nun ah ei ding um fawn lo thlarau lei ah a cingmi thlarau lei fa hring kho tung lo mipawl hi kan um ve hna zumtu a timi hna lak zongah hin, a tlaimi zumtu maw kan si tlai lomi dah kan si ti cu kanmah tein kan I theih cio ko lai, Bawipa caah atlai mi kung si cio ko hna u sih, Bawipa nih sunparnak co ko seh.

+++