Thlanmual Kan Liam Ni Ahcun

 1.Thlanmual ka liam tikah cun, na mitthli a tla lai, nain ka theih in ka hmu kho ti fawn lailo, mah caah atu ah na ka dawt ahcun ka caah na mitthli cu tla ko seh.

2.Thlanmual ka liam ni ahcun ka thlan ah pangpar na chiah lai, nain ka hmu in ka la kho ti fawn lailo, cucaah atu ah pangpar cu ka pe deuh ko.

3.Thlanmual ka liam tik ahcun na ka sian lonak bia le ka thatnak kong na chim len te lai, nain ka thei kho fawn ti lailo, cucaah atu ah ka theih khawh lio te ah ka chim deuh ko.

 4.Thlanmual ka liam ni ahcun ka santlaih lonak le ka tlin lonak na ka philh piak cang lai, nain ka thei kho fawn ti lailo, cucaah a tu ka theih khawh lio te ah ka philh piak deuh.

5.Thlanmual ka liam ni ahcun na cung I ka tuah sualmi ka palhnak na ka ngaihthiam canglai, nain ka theih kho ti fawn lailo, cucaah ka palhnak cu ka theih khawh lio te ahin ka ngaithiam deuh ko.

6.Thlanmual ka liam hnu ahcun na ka ngai in na ka hlam ve theu te lai, nain ka thei kho ti lailo, cucaah a tu ah ka ngai law rah ka hlam deuh ko.

7.Thlanmual ka liam ni ahcun zeicaahdah na nun lio ah na pongah caan tam deuh hmang lole um lo in ka rah um hnga na ti te lai, nain ka thei kho fawn ti lailo, cucaah atu ah ka pong teah caan tam deuh hmang ko.

8.Thlanmual ka liam ni ahcun, kan dawttuk ve ko ee na ti zongah ka thei kho ti lailo, cucaah ka theih khawh lio teah hin kan dawttuk ee tiah ti deuh ko.

9.Thlanmual ka liam ni ahcun na caah zumh tlak tein ka nung ko na ti len zongah ka thei kho ti lailo, cucaah kan nun lio caan te ahin ka caah zumh tlak tein ka nun piak ko.

Note// Na duhdawtmi na sin I a um lio caan te le a nun lio caan theng teah khan daw ko, upat ko, alungtlin ter ko, zeicahtiah zeitik I a nunnak a dongh laile, an kaltak caan I thennak caan a phak lai na ngallo.

+++