Riantuan Pi Hawitha Bik Si Na Duh Ah Cun, Na Holhtam Hlah

Muihmai le ziaza le chuakpimi zia hna hi, minung tahnak asi, thinlung le ruahnak hi Pathian tah nak a si ve.

 

Na cantawk ah lungawi law, na phakkhawhnak tiangah i za hlah.

I ngaihthiamnak veve um lo ahcun, i duhnak nun hi a rocar tawn.

Midang va mawhchiat duh hna hlah, an dirhmun ah va um ve law, an tuah bantuk in na tuah lai lo tiah hodah chim kho.

Nakum a upat, tam lei nak khan na nunah thil na ton mi nih khan nun tampi an cawnpiak deuh lai.

Soisel dinglawng a kawltawn mi cu, vanthatnak nih a innka a rah kingh zongah" a thangtuk eh"tiah a ti tawn.

Vanthatnak nih voikhat innkaa akingh lio ah, tukforhnak belte cu innkaa hramah saupi a rah dir cang.

Na tuah khawhmi a ngan bik cu, nangmah nakin vanchia deuhmi va bomh hna khi a si.

Riantuan pi hawitha bik si na duh ah cun, na holhtam hlah.

Na thinhunnak  a faktukmi ah khan, na ziaza na sining taktak a lang, cucaah mifim cu a thin ai sum tawn.

sualnak hloh ding/umter lo dingah cun(Electric chair)ah si loin vanlei biaceih nak tuah a si lai.

Na fale Pathian kong na cawnpiak hna lo a si ah cun, setan nih sualnak kong a cawnpiak thotho ko hna lai.

Saduhthahnak na ngeih lo ah cun, saduhthah nak pinlei ah zeidah um ti zong na thei kho lai lo.

Na mit, na thinlung, na ruahnak, na hawn a si ah cun/dawtnak/dinfelnak/fimnak/thiamnak hna an rah lut ko lai.

Minung kan tlinlonak bik cu, kan thil ti sualmi kan i hmuh ter lole, midang ti sualmi zongkan i hmuhter duh lomi hna hi a si.

Mi nih Na konglam tha lo leiin an in ceih tikah, mi nih an zumhkhawh lo dingkhan nungziar ko.

+++