Matthai
6:24, Ahohmanh bawi panih sal nan si kho lai lo,pakhat kha an dawt deuh lai
I,pakhat kha nan huat deuh lai,pakhat sinah khan cun zumhawk tlak tein nan um
lai I pakhat tu kha cu zei ah nan rel lai lo,Pathian le tangka cu an rian nan
tuankep kho lai lo.
Hi
Bible cacang hi, dothlai lengmang tikah Judah Iskaroit hi hlah maw? Bawi Jesuh
nihhin a chim hnawh aw ti awk in a um,a ruangcu a nih hi tangka duhmi asi caah
si dawh bik in a lang, Juda Iskariot hi a tuanbia tawite I an tialnak
ahcun,Jerusalem ah khua sa I a ummi Jerusalem mi asi,farasi chungkhar chungin
hrin mi,a pa zong mirum, mi I upat mi hmaizahmi, mirum chungkhar in a rah chuak
mipa a si ve, Alexandra le Cairo khua zongah kulh inn tha taktak a ngeimi hna
an si, amin taktak cu Judas-Bar-Simon ti asi, leah-Bar-Ezakiel
fapa,Ezakiel-Bar-Jakob I a tupa, apa unau, a pate zong hi Jerusalem Judah mi
hna biaceihnak hmunpi(Sanhedrin),chung I chungtuan, pakhat a si ve mi asi.
Mah
tluk I a nun nuammi mirum, duh poah in khua a sa kho mi nihcun zeicahdah Jesuh
hnu zulhah hin aa thawh ve hnga ti awk te a si, Jesuh hnu a zulhmi hi amah
duhthimnak te in a zulhmi a si ko, anu le apa a innchungkhar, a inn le a lo
kaltak bak in amah duhthimnak tein a zulh ve mi cu a si ko, tiah a tuanbia tawi
te an tialnak ah a um, amah hi mithluak tha ngaimi thil tuaktaan zong a thiam
ngaimi asi ti asi, mah caah cun zultu hna lak zongah tangka kengtu, phaisa tlai
tu ah an chiahnak zong hi si dawh in a lang,
1.Apalh
nak bik pakhat cu ka zulhmi pa hi hodah a si? ti a ngal lo Bawi Jesuh kha hodah
asi ti a fiang ngaingai lo.
2.Taksa
in an rah rumnak le, a fimnak le a thluak thatnak nih a pingah a hruai.
3.Duh
fah,hakkauhnak,mah hlawknak,mah zawn lawng ruahnak nih a tei.
Tuchan
zumtu zong kan I nunpi dingah kan herh ngaingai mi zong a si ve,Bawi Jesuh
khrih hi kan I fiang ngaingai ahau I, kan I bochan fawn I kan zumh taktak a hau
fawn, minung lei thil ti khawhnak le fimnak le thawnnak vialte hi, a hmasa ah
chia loin Bawipa tu hi zei kan ti nak poahah a hmasa ah chia ko hna u sih,
minung athur tertu mit in hmuh khawh lomi chunglei sualnak hakkauhnak, mahzawnlawng
ruahnak,duhfahnak,mah hna hi I teiter hna hlah u sih.
Juda
Iskariot nih Bawi Jesuh a rawinak aruang an timi tuanbia pakhat ah ka hmuhmi
cu, Jesuh khrih he an um an kal I khual an tlawng ti, an ei an dingti Bawi
Jesuh nih mizaw a damter mi hna le, hmelchunhnak,khuaruahhar atuah mi vialte Juda
Iskaroit nih ahmuh tikah, khua a ruahmi cu, mah tlukin ka zulh mipa hi thil ati
kho, khuaruahhar atuah kho mi a si I, Judah mi hna sinah hin hei rawi ninglaw, a
thil ti khawhnak a hman lai I amah aa luatter khawhthan hmanh si loin, Judahmi
hna nih a thawnnak an hmuh lai I an zumh ve lai an zulh ve lai ti ah khua a
ruat ee ti si, a nih a taktak ah avan rawi I an tlaih I an hrem I, arah
ruahning bantukin a thawnnak,khuaharnak, tuah memmam le, a thil ti khawhnak in
luat I timh memmam cu chim lo dai ziar in an tuknak le, an hremnak cu ai inn I
cross tiangin thihnak a van tuar tikah cun Judah Iskariot cu a ruahning le ai
tinh ningin thil asi ti ne lo ai, mah caah cun amah kha a ngaihchih tuk ve I
amah le amah aa awk nak zong kha asi ee tiah an ti a tuanbia ah a um.
Adongnakah
“1Timote 6:9-10”Sihmanhsehlaw rum a duhmi hna cu tukforhnak chungah khan an tla
I tih a nungmi le that lonak a chuahter khotu duhnak nih khan rap foih in a
foih hna I cu hna nihcun rawhralnak ah khan a kalpi hna, Tangka duhnak hi that lonak
phun kip chuahnak hram a si, mi a cheu cu tangka ngeih an duhtuk caah zumhnak
kha an kaltak I ngaihchiatnak a phunphun an tong, hawidawt
duhfahnak,hakkauhnak,mah zawn lawng ruahnak hna le Tangka duhtuk nak nih a kan
sal ve sual maw? tangka duh zongah a duhdan thiam ko hna usih.
Bawipa
sunparnak caah si ko she.
+++
No comments:
Post a Comment