Nu le
pa, nungak le tlangvaal hna zong nih kan theih hrimhrim dingmi le ka rel ding a
si, tlawmpal hnuah tefa ngeiin nu le pa a si dingmi kan si caah kan theih a
herh taktak mi a si.
1.Na fa
kha zeibantuk dah si sehlaw, zeibantukin dah tthang she ti na duh?, um sertu
nih cun umser aa timh tikah tlak cu a nawn I a nem liote ah a design a suai I,
ticun meiin a rawh I a ro ter cu hnu cioah um hman awk tlak um ah a can ter,
nain tlak cu a ro I ahak hnu ahcun ser I tim lenin tuah I tim len hmanhsehlaw,
tuah khawh le ser khawh a si ti lo a caan a luan cang, a tlak cu a kuai menmen
cang lai a rawk dih colh ko lai, zeipoah nih caan an ngei dih na fa cu cawnpiak
khawhlio caan teah cawnpiak law, a kal nak ding lam tha tein hmuhsak piak, a
upat tikah a kal tak ti lailo.
2.Na fa
cu lungdong ding le beidong dingin tuah lengmang hlah, mah ti ka ti tikah a
duhmi paoh pek peng ding le tuahpiak peng ding ka ti nak asi lo, bawmh a
herhnak ah bawmtu tha si law, hawikawm a herh caan a caah hawikawm si I zuam,
na fa cungah bia naa kam asi ahcun voikhat te hmanh tholh hlah, na tuah khawh
lo ding bia va kamh hlah ti nak a si cu, na fanu maw? Na fapa nih na cungah
zumhnak angeihlo ahcun zeitluk hmanhin I zuam law lamding ah na hruai kho hlei
lailo, cucaah nu le pa hi fa le nih zumhtlakmi kan si a herh.
3.Na
fanu maw? Fapa maw? Cungah fak, hlorhnak bia chim ding na hmurka rit hlah she,
na fanu/pa nih ati khawh tawk ati tik le a tuan tikah a sikhawh chungin
conglawmh law atuan khawhmi ah thazaang pek I zuam, cunihcun a thinlung ah
huamnak, thazaang thawnnak nganpi a ngeihter lai, thangthat pah fak pah khan a
palh sualmi tete kha cawnpiak law chim tawn, a tthan I tleirawl nungak
tlangvaal a si tik a thinlung a hak deuh tik zongah na bia an ngaihpiak peng
nak ding ah a si lai.
4.Chungkhar
nunah a herh taktakmi cu nu le pa hmaipanh hi asi, cheukhat nu le pa cu
chungkhar ah mithmai chia femfuam in kan um tawn mah hi fa le caah a tha lomi a
si, cucaah chungkharah na mithmai panhter law fale nih chawnhbiak ngam ding le
kawmh ngam ding si I zuam, hmaipanhnak nih chungkhar a nuamter I fa le zong an I
nuam I, an hna angam cu lo I hmaichia femfuam in kan um ahcun fa le zong an I nuam
ti lo, nu le pa sin um le thuto ding zong an thinlung ah a um ti lo, hmun
dangpi ah I hmuh khawh lonak hmun hna ah kal diam hna an duh tawn, cucaah nu le
pa innchungkhar ah kan hmaipanh a herh tukmi a si.
5.Na fa
le lakah dawtkhunmi ngei hrimhrim hlah, chin duhmi cu fa le cungah thleidan
ngei hlah tinak a si, na va ngeih pingpang sual hmanh ah langhter hlah, aruang
cu na fa le dang cungah thilrit na khinh asi, phundangpi ah an I ruat lai I cu
an I ruahnak nih cun sualnak lam ah a pialpi tawn hna ti kha philh hlah.
Adonghnak
ah: Mifim nih afa cu sal bantukin a cawnpiak I sal nun le riantuanning a
cawnpiak a chimh, a upat tikah zapi lak a um tik le a thutdir tikah umdan athiam
I riantuan dang zong athiam, hawi he zong an I kawm kho nu le pa mithmai a
ngalter, hman awk tlak rosung fanu/pa ah a chuah.
Mihrut nih
afa cu siangpahrang fa bantuk le bawi fa bantukin a umter ve i, a upat tik ah
zapi sin umdan le riantuan dan zong a thiam lo, hawi he zong an I kawm kho lo a
lung a puam ca le angan caah, cuticun
riantuan zong a huamlo riantuanning zong a thiam lo tikah, mi seh awk kawl le
fir ah a vak, khua tlang le chungkhar, nu le pa caah phurrit ah aa chuah.
+++
No comments:
Post a Comment