Zumtu tampi kan i
palh i thlarau ah kan tthan khawh lonak pakhat cu, mah hi a si.
Bible nih nan tlinglo
,a kan ti a dik , vawlei ah hohmanh a tlingmi kan um reng lo. sualpalhnak a
ngeimi lawngte kan si dih, chambaunak a ngeimi lawng te kan si dih, minung kan
tling ti lo ruangah a tlingmi a fapa tucu Pathian nih a kan pek.
Cu a tlingmi afapa
tuah cun a tling lomi nangmah le keimah hi a kan khumh i Pathian nih a tlingmi
a fapa tu cu azoh cang caah afapa khrih ah mi tlingah a kan chiah ve cucu
biatak cu a si.
vancung ah khin
kanmah felnak a zoh ti lailo i, kanmah dinnak a zoh ti lailo, kanmah thiannak a
zoh ti lailo, atlingmi afapa khrih thiannak,dinnak, felnnak, tu a zoh cang lai,
cucu zumtu hna kan van thatnak cu a si i, Pathian dawtnak le velngeihnak zong a
si.
nain, zumtu tampi cu
cu biatak kan theih hnu le kan pawm hnuah, mitampi cu mi tlinglo kan si
,chambaumi kan si, khrihtu hi kan tlinnak le, kan felnak asi ti riangmang in,
minung kan tling lonak le kan chambaunak hna cu, sual khuhnak ah kan hman tawn,
kan tlinglonak hna cu kan sual humzualnak ah kan hman tawn i khrih pei kan tlingnak
le kan felnak cu a si ko cu kan ti i daipathlang in kan um i, sualnak mertak
kan i tim lo, mah cu zumtu mitampi thlarau lei ah kan tthan lianh khawh lonak a
si.
mah cu Pathian bia
nih a kan cawnpiakmi a si lo, Pathian bia nih a kan cawnpiakmi cu hi hi asi
,kan tlinlonak le kan chambaunak tu kha Jesuh khrih kan neih chinchinnak caah
le nifatin Pathian kan pawlnak ding ca tuah a kan cawnpiakmi a si.
cucaah zumtu hawidawt
na tlamtlin lonak le, na chambaunak kha sual khuhnak le thuhnak ah, hmang hna hlah
usih, mah na chambaunak kha nifate Pathian an neih ter chinchintu ah hman ding
hi Pathian biatak a pemhmi hna nunzia cu a si.( 1peter 2:16 )
“A
luatmi bantukin um u, sihmanhsehlaw nan luatnak kha ṭhat
lonak khuhnak ah hmang hlah u, Pathian sal bantuk tu in nung u”.
+++
No comments:
Post a Comment