Na dirhmun
atha I, a nungcang khomi chungkhar in hrinmi na si zongah, catang sang I degree
sang ngeimi na si I rian sang atlai I a tuanmi na si zongah, na pasal cu zoh
niam in nihsawh ding asi lo ti kha na theih awk a si.
1.Na
pasal cu Pathian nih thluachuah a pek caah nang zong, kha Nu, cu Nu tiah auh
khawhmi ceo na si ve kha.
2.Na
pasal cu zeibantuk rian atuanmi le, zeibantuk dirhmun I a ummi asi hmanh ah,
zohniam in zeirel loin um hrimhrim hlah, aruang cu pasal le kuttang ah a ummi
na si na lu cu na pasal kha a si ko, cu si lo I na pasal kha zeirel lole
nihsawh, na thlanglamh a si ahcun cuti na pasal na thlanglamh rualrual khan na
pasal nak niam ah na um ti kha na theih ding asi, na pasal na nihsawh lio ah
khan, mi nih an rak in nihsawh ve ti kha theih ding, a dirhmun a that lo I a
tlak deuh I a thachiat deuh i, a lungrawh deuh a si hmanh ah, nangmah kha amah
bawmchantu dingah pumkhat si termi nan si I Pathian nih fawnhmi nan si kha
philh hlah a thachiatnak le a chambaunak , a dirhmun a that lonak ah nangmah
nih na bawmh dingtu a si.
3.Na nu
le na pa ruangah maw, na chungle ruangah na dirhmun a tha deuh a si kho men, na
hmai ngal deuh a si ko men, na pasal kha zei ti maw in na zoh zong a si kho
men, cuti I na um a si ahcun na lu kha vamping ah vun su ta hmanh na lu cu zeitluk indah a fah lai, mah cu asi
nupi le nan lu cu pasal le an si pumkhat nan si mahbantuk I na um ahcun na lu a
fah bantuk te khan na pasal kha a lung a rak fak ti kha theih ding, chungkhar
vanram dirh dingin ruahmi cu chungkhar rawkmi ,chungkhar lotlau ah nan I chuah
ko lai, cusi caah na pasal kha upat thiam law, tihzah thiam law zeibantuk
buainak hmanh nan nupa tein nan phisin ding a si, pasal le zong nih nupi le nih
an kan dawt tik ah umdan thiam ding a si a cin le tawk theih ding a si.
4.A nupi
na si ruangah na pasal umtu,thutto ning vialte na thei dih kho hlei lailo,
cucaah a riantuannak asi ah, a hawi le he an um a si ah a umning vialte na thei
dih kho lai lo cucaah cun rian in a tin ah maw, a lennak in a rak tin ah maw?
na pasal cu a hmai tha tein zoh law, lungrawh,lungfahnak hna a ngei maw? tiin a
mit hmai na zohthiam I na rak zohkhenh thiam I na rak zitmuai thiam ding kha a
biapi tuk, cuti I na ti tikah na pasal cu sualnak tampi lak in na venhim khawh
a si, ahohmanh hi dawt le zitmuai a duh lomi kan um lo na pasal cu na caah mi
tha siseh ti na duh a si ahcun nangmah hrimhrim kha a cungah na that hmasa a
hau mi a si, cucu pasal le cung ah nupi le nih kan tuah awk hrimhrim kan rian a
si fawn.
5.Nupi
si ve pasal le zitmuainak caan zong theih lo pasal le carenak caan zong theih
lo, pasal le nih an harsatnak chim phuan ngam lo ding tiangin a ummi nupi hna
na si sual ahcun, a rannak in na zia na thinh a hau lai cuti I na sersiam colh
lo asi ahcun na pasal cu a lung si vang lai I thinlung dang I hnemhnak dang a
kawl colh ko lai, cucu na lungfahnak ding le na thinlung tha batnak ding a si
fawnlai caah, cubantuk dirhmun phak ding cu va duh hrimhrim hlah atu bak khan
na pasal caah nupi tha le nupi duhnung si khawh tu kha I zuam.
6.Nan I
thitumh lio I pastor hmai ah bia nan rak I kam mi kha na mitthlam ah cuanter
lengmang, harsatnak ah siseh, nuamhnak ah siseh ti I nan I kam mi pawl kha
renew than lengmang ahau tawn, nan I umh lio I nan hawi le hmai ah nan nupa
tein na I nuamh lio nan I lawmh tuk lio hna kha mitthlam ah cuanter lengmang
ding, nan I umh lio biakamnak hna cu Pathian kut ah chia law na pasal sualnak
lam a zulh sual nak hnga lo, Pathian nih in kilven piak hna seh, nangmah nih
cun na kilveng kho lailo.
7.Tuah
cun Pathian dawtnak thawngin mi nupi na si ve cang, Nupi dirhmun ah na um ve
cang I cu ah pasal ngeih hnu pasal he um hnu zong ah, chawnbia tu le helhhumtu
an um rih kho men ko, tlangval biaka thlum na ton caan zong um ko lai, cutik
caan ah na pasal caah na sunlawinak le zumh tlak na si nak kha tha tein
langhter ngam tawnlaw, na pasal zong a caah zumh tlak tein na umnak ah khan a
rak I lawm tuk I aa lungsi tuk ti kha na
theih ding.
8.Chungkhar
Nu bik si I mah makpa, le pasal nihsawh a hmangmi na si ahcun , na zia thin
zokzok , mi an tlinlo nak hmuh piak I chim len nak in, an thatnak zawn hmuh
piak nak nih mi a sersiam deuh I a tunmer deuh ti si, cun chungkhar nu bik nih
pasal le nihsawh, le zeirello na hman a si ahcun na fanu le nih na nawl an I cawn
colh lai ti si,cucaah na zia na thinh zokzok kha ahau na zia tha lo na fanu le
cung I a phak hlan ah.
A donghnak
: Inn lianngan le chungkhar nuam timi cu Bawipa a umnak inn hi a si, cu a
nuammi chungkhar si dingah Pathian nih an fonh cangmi hna nan si, cucaah cun cu
na sakmi inn cu a nuammi le a lianngan mi a si khawhnak lai Bawipa sawm peng
law, Bawipa a umnak inn si peng ko seh.
+++
No comments:
Post a Comment