Leileh
le tlanglo kaupi zong a ngei lo, nga kaan le tidil zong a ngeimi a si lo nain,
a herh caan ah mipi thong 5/4 hna cu ngasa hen rawl a dangh mei ko hna.
Karpet
zong a ngei lo I aa bunh lo nain ticung ah a ke in a hei kal salam mei ko.
Ca zong
a cawng lo I, koika university/ college le Bible sianginn hmanh ah degree a la ve lo nain, mipi nih
cawnpiaktu saya tiah an auh.
Sibawi
zong a si lo I, doctor, silei cawnnak le degree zong a ngeilo I a la lo I a
cawng lo nain, mipi nih damtertu tiah an ti.
Athi I
thutpi/topitu hmanh a ngei lo , sihmanhsehlaw vawleipi tu a mui I,
vawleipi cu lihnih in aa hnin.
Minung
hna cu an sualnak ruangah zeitin an um lo I,sihmanhsehlaw mifapa a hun cah taktak ahcun vawleipi nih a
tuar ko li fakpi in a hnin I,vawleipi cu a mui I a hrum a ai, nain a sualmi
minung tu cu zeitin kan um lo.
A mi hna
le vawleimi nih hlawt in hnawlko hmanh hna sehlaw, sermi thil vawlei leidip le
sermi thil zeizong nih an hmaizah I a sunparnak an langhter mi pa a si.
Minung
taksa pum hmangin hrin a si ve ko nain, minung sualnak cu amah ah sualnak a um
ve hrimhrim lo mi pa a si.
Kum 3
chungte bia a chim I khual a tlawng,
cauk a tiallo I a chuah fawnlo, biakinn a sa lo I, bu a dirh in a kawllo i,
chawva ngeih le chiah ngeihmi a ngei ve lo,nain kum thong 2 hnu hmanh ah a
konglam nih mi a hip peng rih I a konglam chim a tam cemmi pa a si peng rih ko.
Abia
chimmi nihcun aa her lengmangmi vawlei caan le thil vialte hna zong ah hmunhma
a lak I, a chim ning bantuk te in a tling fawn.
Minung
hohmanh nih an tei khawh lomi , thihnak a tei I a tho thanmi a si fawn rih, a
nun a ngeitu hna zungzal nunnak a hromh rih fawn hna.
Hi
bantukin miphun thleidannak um lo tein,
vawlei miphun vialte caah khamhnak rian a tuan I a kan lim piaktu le a zultu
hna le zumtu hna cungah a thil ti khawhnak
atu tiangin a langhter pengtu hi, Josep le mary fapa sawhsawh men a si
lo ti kha aa fiang tuk, a hmu fiangmi hna le a tingco cangmi hna nih cun, ka
Bawipa le ka Pathian an ti lo awk a tha hrim lo.
+++
No comments:
Post a Comment