Hlanchan Le Tuchan

Hlan ahcun nungak a ngei tam le,a ihpi tammi poah hi zohsan le pasal tha tiin uar an rah si tawn, nain tuchan ahcun nungak a thianhlimnak,a virginity a kilveng piaktu le a huhphenh piaktu, kan far le cawisang thiamtu hna poah hi zohsan le uar an si ve cang.

Hlanchan ahcun, lovah tthawngmi le ,buhcil chakmi, sakap kho mi paoh kha pasal caah rak thim le rak zoh a si,nain tuchan ahcun piangtharmi le ramdang phan kho, catang sang mi le chawva lahkhah tha paoh kha pasal caah thim le zoh si ve cang.

hlan ahcun ngaktah fa, nuhmai fa deuh cu hrial deuh le zohchuk

deuh an rah si, nain tuchan ahcun nuhmai fa le ngaktah buangro tu hna hi Pathian nih a zangfah hna I bochanmi ah an I chuah lengmang cang, mahbantuk hlanchan ruahnak zong kha duhsah tein a tlau ve cang.

Hlan ahcun mah nak upa le pitar putar hna cu tihzah upat an rah si, tuchan ahcun mah nak upa chim lo pitar le putar tihzah upatnak caan zong kan thei ti lo tuchan mino tete hi kan ning a ngal tuk.

Hlan ahcun khuate leimi khuapi i an rah tlawn tikah ngiar i an hnar thi pawt dihlak in velh an rah si tawn,nain atu ah cun mah kha kan thlau ngai cang a um ti lo kan ti nain Hakha khuapi leiah cun a hram an thok than bantuk a lo, Pathian nih a hrawh cangmi Jeriko khua cu sak than an timh tih a nung tuk.

Hlan ahcun mi pakhat nih sa a kah tikah innpa chakthlang,veng le sang i cheuhbauh cio le rak i zamh cio a si,a tuchan ahcun cheuhbauh um ti loin tangka in zuar a si cang tangka ngei lomi hna a harsa deuh mi le nuhmai, tarnu tarpa hna caah cun lungnuam lo ngai khi asi cang.

Tial ding cu a tampi rih ko nain mah vialin za rih ko she.

+++