A Ngandammi Thinlung

Thinlung ngandammi cu a nun ah hmuh khawh a si  thuh awk tha lo, na thinlung ngandam maw?  Rak I zoh ve.

 

1.a ngandammi thinlung cu: a hmun le caan  hawih in ai sersiam kho, nundan a thiam, mi puitling a sinak a lang a zatawk tein nun a thiam.

2. a ngandammi thinlung cu: midang he I dawte le rualrem tein khua asa kho I a thu dir kho, a um kho.

3.a ngandammi thinlung cu: midang lawmhnak ah a lawmhpi khawh hna, hawi he nuam tein an um ti kho, mi nih nisawhmi si nak hnga lo zeipaoh cawn le thiam a duh I nun a cawng peng, a khuaruahnak hman a thiam.

4.a ngandammi thinlung cu: beidonghnak le harsatnak hmun ah a lungdong ve lo, ttih a ngei lo raltha tein thil a ti ngam, a tuah sualmi in ai sersiam thiam.

5.a ngandammi thinlung cu: amah phak khawh tawk thil ah ai zuam I a ti khawh chungin ai zuam, mah le mah zumhnak a ngei, thil a tha leiin a zoh thiam.

6.a ngandammi thinlung cu: nundan a thiam I ei caan ah a ei, tuan caan a tuan, ih caan ah a it, thawh caan ah a tho, I dinh caan ah ai din, nih caan ah a ni a caan le a hmun zoh a thiam.

7.a ngandammi thinlung cu: midang nih an zawmhteih mi le zoh chukmi kha a zohchukin a nihsawh ve colh hna lo mi an dirhmun tu kha theih hmasa le hmuh hmasa ai zuam cu hnu ah bia khiahnak a tuah tawn.

8.a ngandammi thinlung cu: a mitthmai a panh a pong thuto le um a nuam, A kawmh a nuam.

9.a ngandammi thinlung cu: amah palhnak ah ka palh a ti kho mi asi, mi ngaihthiamnak le theihthiamnak a ngei, minung ahohmanh a tling mi kan um lo ti a theih caah a si.

10.a ngandammi thinlung cu: a sifah, retheih,harsat zongah a tuar zia a thiam, a in zia a thiam, mi mithmai zoh athiam, upa hngakchia ,mirum sifak a kawmhning hna, a chawnh ning hna ai dang lo, a cantawk ah a lung a awi.

Apehpar: Hi bantuk si ding cun minungin a har ngaimi a si nain, Bawipa nih a ngeimi a si Bawi Jesuh nun a ngei mi lawnglawng nih ngeih khawh a si, hi bantuk thinlung a ngeimi hna hi zoh tik ah khrih nun a ngei cangmi deuh lawngte an si. 

+++