Kanchan
hi chanchia ngai a si cang a chia ngaimi chan ah kan um tik ahhin a bik in nu
le pa hna nih kan fa le hi zohkhenh thiam le cawnpiak thiam a herh hringhran,
cucaah cun tlawmpal te athahnem in san hna a tlai hnga maw?tiah fa le zohkhenh
cawnpiak ning asi, tulio a tthangtukmi vawlei sualnak chungin kan him khawhnak
ding caah cangko seh.
1.na
fanu cu aho pheicung hmanh ah thut lo ding in chim,sahlawh rualchan an si ah
maw? Si lo ah maw? Apate tiangin, mah hi mi a lem ngaimi a si a lem sual lai.
2.na fa
le kum 2 an lonh tikah, an hmaika ah na ngakki hnipuan, zalong tukin phoih
hnawh hna hlah, naa phoih lai ah na fa le maw?thial ter hna law silo, Nangmah
maw? mi an um lo nak ah I phoih.
3.ahohmanh
nih na fa kha ka nupi maw? ka pasal maw?
ka nungak maw? ka tlangval maw? tiin capo in an auh ding hna a si lo, an
hngakchia lio in mah bantuk bia le hla lakin an than ah cun an upat deuh tikah,
sex le nupa sinak lei ah an thinlung akal deuh sual tawn.
4.na fa
le midang he lente an I celh tik ah tha tein ngia tawn hna, a ruang cu
lentecelhnak ah nu le va lem hna an cang tawn I sex hna an hman sual khawh tawn caah a si.
5.na fa
cu amah nak upa tukmi kawmh ter tuk hlah, hngakchia cheukhat cu mah nak upa
kawmh le ngamh tuk an hmang tawn, thil tha lo tuah duhnak thinlung ngei sual
hna sehlaw, hlen an fawi tuk, mah caah cun upa khawmh, ngamh tertuk zong hi a
him lo,tu chan ah cun.
6.na fa
cu zeitik ah maw dek, caan khatkhat ahcun duk tiah a thinlung ai thlen caan a
um te lai, cutik ahcun lungsau tein nem tein na chawnh I bia na hal a hau te
lai, thil umning a tonmi thil fiang tein le pheh thuh lo tein an chim ngam nak
hnga caah, na lungsau a hau I an kawmh ngaihnak hnga le an ngamhnak hnga na
lungsau thinfual a hau.
7.na fa
cu a than I a ngan cuahmah tik ah a taksa caah a tha ding le sex, nu le pa
sualnak ah a luh sualnak hnga lo na chimh na cawnpiak a hau, na cawnpiak lo
ahcun a lengin a theih thotho ding a si caah, lam ding kha na hmuh sak hmasa a
hau.
8.na
fanu/pa nih an zohmi ( cartoon/animation,film,etc)pawl kha athat nak bik ahcun nangmah nih zoh piak hmasa hna law, an
nun lam a pial ter khotu a sualmi hna an zohmi ah a um maw? ti kha tha tein zoh
piak hmasa hna law a tha bik mi asi.
9.na fa
cu mobile maw? Tv maw? a zohmi ah film tha lo thisen chuahnak ti bantuk maw? I
thah I nawn I hremnak ti pawl maw? sex tuah lio ti bantuk, I kiss lio ti bantuk
hna kha zoh ter hrimhrim hlah, anmah leiah a dik lomi hiar nak a um kho, an nun
a hrawh sual tawn hna.
10.na
fa cu kum 3 a tlin hnu ah, a karkalak le a chiatha hna cu anmah tein tawlkholh
dan na cawnpiak hna lai, an chiatha le an karkalak an elzim ahohmanh an si ah
tongh ter lo dingin fakpi in na chimh lengmang hna lai, nangzong nih a herh tuk
lo ah cun tongh lo hram kha a tha.
11.na
fa cu a thinlung kalsualter khotu ding thil a zeipaoh a si ah,music,films, asi
ah na fim kanh lengmang lai, hika ahin chungkhat sahlawh, hawikawm tiangin ai tel.
12.na
fa cu bia dik, bia hman chim lengmang ronh lengmang , ahawi le sin ah ai
phundang ngammi nun a ngeih khawhnak ding caah, phungdang tein langh ngamnak a
thatnak ,ralthatnak kha na cawnpiak lai na chimh lengmang lai.
13.na
fanu/pa maw? nih cartoon film a zoh huam ti lo I a lengah aa nuamh deuh cang a
si ah cun, I ralring cang, nungak le tlanval sinak nih a hiar cang ti nak a si
caah, a nun lamping ah a luh sualnak hnga lo tha tein na ven le na zoh khen
ngaingai a hau cang ti nak a si.
Zeicatiah
cun tu kan fa le tete hna hi hmai lei ah nu le pa si ding lawng si loin, miphun
hruaitu ding an si caah, an hngakchia lio hin cawnpiak an hau I cu an fat lio
tein cawnpiakmi cu an philh in an kaltak ti lo ti a si, nain an hngakchia lio
tein hliam an tuar sual a si ah cun cu hliamhma cu an thih hlan lo a nguh ti
si.
+++
No comments:
Post a Comment