Bawipa Biaceihni Ahcun Kan I Thup Kho Lailo

Mitha le mithalo kan si cu midang he kan i kawmhnak ahhin a langtawn.

 

Nain adik in maw?diklo nakin maw?tangka chawva a kawlhawl kho mi paoh

kha mifim ah chiah an si tawn.

A dikmi fimnak le atak cu hlawt in a um tawn i,  zirnakin mi a hleng

thiammi poah kha mi lianngan ah chiah in an umtawn.

A dingfel mi hna nih an tuahduhlo mi a tuahtu hna cu mifim ah chiah

an si tawn.

Nain a liannganmi Pathian nih bia a kan ceihni ah cun cu bantuk i a ummi

hna an hruh zia cu, mi vialte hmuh ah a langte lai ti a si.

cucaah hawidawt kan tangka laknak hna hi a thianghlimmi in a si maw?

ti hi kan ruahngai a hau, rum le taksa thil in thancho thluahmah lawng

hi kan ruah awk a si lo, zeicatiah Bawipa biaceihni cu hohmanh nih kan

hrial khawh lailo caah kan nun hi ralring lungfim tein hmankhawh i

zuam cio ko hna u sih.

sertu nih a kan serchan aruang ngalh lo in kanmah duhning paoh in kan

nun tawn caah, ngaihchiatnak, lungfahnak, hna beidonghnak, pumcimhnak kan tong

tawn, kan mithli a tla tawn, Sertu nih a kan serchan aruang kan ngalh tikah cun hi vawlei thil duhhakkauhnak hna cu a lo canglai i thinlung lawmhnak taktak cu kan hmuh cang lai.

careltu caah thazang thawnnak si hram ko seh

+++