Kan Nun Kan Ruahnak A Tthan Khawhnak Hnga

Dawtnak nih an hliam cuahmah ko asi ah cun, na hma cu a dam kho ding asi ko, na lungrethei hlah , caan nih na lungfaknak  cu a liampi caan a um te ko lai, na caah khua a dei than te ko lai.

 

Fektukin tlaih cangmi cu rianrang tein thlah a har tawn, dawtnak hrifek in peh cang micu phoihthan ding in cun i rian rangh hlah, lungsaunak le nemnak te he duhsah tein thlah a herh tawn.

Biatak le biadik mi na chim ngam hna lo a si ah cun, lih sal ah na tang ti nak a si.

Dawtnak a pannak hmun paoh ah, tlin lo nak a langsar tawn.

Pathian nih na cung ah a khuakhan ning na theithiam lo asi ah cun,vawlei hi na caah vuivainak in a khat lai.

I hawikomhnak um lo cun, nun hi pakpalawng a si.

Tihnung mi pakhat cu, tihmi tamtuk ngeih hi a si.

Lawmhnak a tampaoh le, ngeihchiatnak  caan a nai cang ti nak a si.

Hriam le nam le tha hrum hmang in I dohnak nakin bia le hla in I dohnak atam deuh saumau cang ti si.

Na hawitha nih cun na hnu lei zong in, an thangthat lai an conglomh ko lai.

Duh/Dawtnak a fah deuh paoh le, thinlung tuar nak afak chin2 ve tawn.

Ttuan teimak nak nihhin, hlawhtlinnak a phakpi tawn.

Hmurka lawngin chim nak nihhin, tlakchamnak a hrin ve tawn.

Kanduh mi paoh kan tuah ahhin, kanduh lomi hmun ah a kankal pi tawn.

Mi tuahmi paoh na tuah ve I an nawl na cawn peng ve hna a si ahcun, nangmah le nangmah na hlen a si.

Kan cungah nawlngeitu nih cun, kan caah tha ding in khua a khan ko kanmah nih kan va duh maw duh lo maw, kan caah a khuakhan mi cu a tha mi a si ko.

Dawtnak ngei mi hna nih harsa mi va bawmh kha an duh bantuk in.thinlung put tha lo mi hna nih mi va leirawi kha an rian a si ve ko.

+++