Mi Nih Lung In An In Cheh A Si Cun Pangpar In Va Chep Ve Hna

Mi pakhatkhat he i ti thiam lo ruang i lungnuam lo i um nak in, mahtelawng um i lungrethei ngai I um hmanh a tha deuh.

 

Kan nunhlun nih kan thinlung a tharter than tawn, nain ka caah ka timh lomi hmun i dir pengcu ka timhmi a si lo Cu nunhlun zawtnak cu kaltak i nangmah bantuk i ka dawt khawh ding  kawl cu a si.

Hrintu ka nu nih thla a ka campiak mi cu a theipar ka zuun cang, thlacamnak nih tei khawh lomi a ngei lo tihi a si.

Na tlinlonak na chambaunak zawn naa hmuhmi khan, na sersiam ding a si, kan nunnak hi nuncawnnak in a khat mi a si.

Mi nih lungin an in cheh a si ah cun, Pangpar in va chep ve hna.

Mi zeipaoh nihhin thilrit hi kan ngei cio dih, thilrit kan phurhmi belte a khat dih lo, mah thilrit a phurh bu ah midang thilrit a chang khotu hna cu mi lianngan an si.

Velhle thatnak/thatdeu/i that ter timi hi, sual fihnung minung chungah a thupmi cu a si.

Tluk hi thihnak a si lo, thawhthannak tu asi, kan loh hi kan tlau a si lo, hlawhtlinnak caah cawnpiak tu men a si.

Voikhat te an hlenkhawh sual a si ah cun, hlen nih a lem canglai caah rah i ralring ko.

Minung hi kan mak, Kan nun aa thlen ahhin kan khuaruahning hi aa thleng ve ballo.

Fimnak le nun ziadawh cu hmunkhat ah umti mi an si I, hrutnak le sual,vaivonhnak, mualphonak hna hi hmunkhat ah a umti mi an si ve.

Fimnak cu, hriamnam thabik nakhmanh in a tha deuh, nain misual pakhat nih thil tampi a hrawk tawn.

Fb uartuk mi hna hi, thinlung hlimtuar mile, umhartuartuk mile, nupi pasal kawl lio mi an si duh hna ti si.

Thlau vialte lak ah, ruahchannak/zumhtlak si nak/tumtah, mi thlau hi a poibik mi a si.

BawiJesuh caah zeizongte sungh cu sungh lakah a sunglawi bik mi a si.

Rose pangpar zong a uai than bantukin, muidawhnak zong a uai ve te lai cucaah mui ah si lo in a uai kho lo mi duh/dawtnak tu kha kawl deuh ko.

Ka theih ka ngalh, ka ti khawh, ka fim a timi antamnak paoh ah, i rem lonak buainak, i al nak a tam.

+++