Arel Huammi Hna Caah Cun Hlawknak Tampi A Um Lai

Idia thatha chuak i puitlinh tung lo, tlamtlinter tunglo nak cha cun, sawhchih mi/sehchihmi pakhatte ngeih i tlamtling te I tuah/tuan ah a tha deuh suamau.

 

Mah mit hmuh ah fim ngai in aa chia mi hna hi, mizoh san an hlawh ballo.

Mahduh ning/zawng in Pathian a bia mi hna hi, Pathian hmaiah fih a nung mi an si, Pathian cu thlarau a si caah abiatu hna nih thlarau le biatak in an biak awk a si. ( Bible )

Theihnak/thiamnak cu midang caah cawnmi a si, fimnak bel te mahcaah a si.

Dawtnak a kawl in kawlnak in, mah nih i ngeih i i put ahhin a tha deuh suamau.

Kuttum he na zuan ah cun, kuttum hman ve kha a hau lai I awkaa nem he na panhah cun, awka nem a rah hman ve ko lai.

Nungak muidawh ngai I a lerh takmi ngeih nak cha cun nungak a lerh lomi te kha kawl ko, hliamhma karhter nak cha cun, hliamhma adamter tu kha a tha deuh.

Kanmah hmuh ah thil tha kan timi hna hi a dongh nak ah thih nak hna hi a rak si tawn.

Lawmhnak hna hi a kawl in kawl ding a si lo, kanmah nih tuah i ser dingmi khi a rah si.

Muidawhnak te hna, rumnak te hna zong hi lawmhnak a si hlei lem lo, retheihnak sifah nak zong hi lawmhlo nak a si hlei fawnlo.

Thanchonak timi paohah hin Pathian sinin asi lo ah cun, rawhnak dingcaah thanchonak men a rah si.

Mi vantha kan timi, mitam pi hna hi mi teima an si duh deuh tawn.

Dawtnak cu thinlung chunglei he aa peh mi a si i, muihmai belte cu i hlennak rap/thang a si duh deuh.

Thinlung duhnak paoh a panhmi hna cu, a hawihnak lei lam paoh a kalmi saram  bantukin a kal mi a si ve ti nak a si, zeitik hmanhah lianngannak/sunparnak a hmu lai lo saram zongnih thil tha lo an ton tawn bantukin a tawn ve lai, hliamin a um ve lengmang ko lai.

Sammehnak dawr i na sam na met i na hnu lei na hmai lei thlalang in na zoh na duhning tein na met bantuk khin, thil kanduh lo mi le a tha lo mi hna lak hin na ralrin khawhnak ding caah, a liamcangmi na caan le a ra lai mi hmailei na caan kha a zohdan thiam kha i zuam.

An kan kaltak hnu bak lawng ahhin, an kan dawtnak hna hi kan theithiam khawh ve tawn.

Buainak a hrial in hrial i timh hi, mihrut hna ti ning dan a si, mifim belte nih cun hi buainak nihhin zeidah fimnak a ka pek a ka cawnpiak timi kha an zoh tawn.

I al nak hmangin biathluknak/biachahnak sermi cu a hnuah buainak remlonak a chuak than tawn.

Lawmhnak, hnangamnak taktak timi cu, ingahnak/i dinhnak tha taktak fek taktakmi ngeih hnuah a si.

Dinnak/diknak hna nakin cawva/tangka rumnak hna hi  abiapi ah kan chiah caah kanram a thancho khawhlo nak hi a si.

+++