Thluachuah A Kan Petu Hi Kan Philh Sual Ve Tawn Maw?

Esther 1:1-22

Vasti hi muidawh asi, siangpahrangnu a si fawn, a rammi vialte hna nih zohchomi le upat hmai zahmi a si,mah hna cu ava/pasal siangpahrang Ahasuerus thawngin a si.

Voikhat cu siangpahrang Ahasuerus nih puai pakhat a tuah arammi vialte a chuahter hna, abawi pawl hmai le a rammi hna hmai ahcun  anupi muidawh cu hmu ve hna seh ti kha a duh I sunparnak co seh thangthat hna seh ti a duhsak piak, a kut tangmi hna cu anupi siangpahrangnu Vasti va auh I mipi hmaiah I langh dingah cun a fial hna, siangpahrangnu Vasti cu an va auh tik ah apasal siangpahrangpa bia cu a rak al I a rak hnawl i mipi hmai chuah cu a duh lo mah cu siangpahrangpa nih a theih tik ah a thin a hung ngaingai ti kha kan hmuh.

Mah nih zumtu hna zeidah a kan cawnpiak, siangpahragnu Vasti zong apasal siangpahrangpa Ahasuerus ruangah siangpahrangnu a si I bawi a si, ava pa ruangah mi nih upatmi le theihmi a si, tihzah upatmi a si, cubantuk te cun zumtu hna zong Bawipa thawng lawngin midam kan si I, Bawipa thawngin a nungmi kan si, Bawipa nih thluachuahnak taksa leiin tampi a kan pek ve, kan phak ballo nak hna ah a kan phakter, kan I hruk bal lomi a kan hruakter , I kan I cit bal lomi hna a kan citter  chim ahcun atam tuk, mah thluachuahnak kan hmuh mi vialte hi Bawipa thawng lawngin a si.

Siangpahrangnu Vasti cu a cawisangtu apasal, ka vapa siangpahrang Ahasuerus ruangah hi dirhmun ka phan, hi bantuk sunparnak, upat, tihzahnak ka co ti kha philh riangmang in a siangpahrangnu sinak le siangpahrang nupi sinak cu I phorhlawtpi in apasal siangpahrang ngaih a chiatter, cu ruangah siangpahrangnu sinak dirhmun in thumh le thlak a si.

Hawidawt zumtu kan nih hna zong siangpahrang Bawi Jesuh nupi kan si, Bawi Jesuh khrih thawng lawnglawngin thlauchuahnak kan co I, sunparnak a hmu mi kan si ve, cu thluachuahnak a kan pekmi, sunparnak a kan pekmi ,rengsannak le hawi hlei in si thatnak a kan pekmi hna cu, amah kan Bawipa sunparnak caah hman ding le langhter ding ah a kan ti ve a kan fial ve, cucu philh riangmang in Bawipa bia cu kan al sual ve tawn  Kan hlawt ve sual ton, zumtu tampi cu kan pasal/va a simi siangpahrang kan Bawipa a ngaih kan chiatter ve tawn.

Siangpahrangnu Vasti cu avapa/apasal siangpahrang Ahasuerus bia ngai duh lole, abia a hnawl ruangah siangpahrangpa nih a dirhmun in a thlak bantuk in kan nih zong Bawipa nih a kan pekmi thluachuahnak sunparnak hna hi amah sunparnak caah kan hman sian ve lole amah upatnak caah kan hman ve lo a si ahcun, Bawipa nih a kan lak piak khawh than ve mi a si.

Cucaah zumtu kan nunnak hi Bawipa sunparnak caah a si ko seh.

+++