Vawlei A Teitu

Mitin hmuh khawhmi le, kutin tongh khawhmi thil hna nih, mitin hmuh khawh lomi, kutin tongh khawh lomi chunglei di a riamhter kho lo.

 

nain chunglei thawnnak nihcun lenglei thil mit hmuh khawhmi kuttongh khawhmi hna cu a uk khawh hna a tei hna.

mahcaah cun zumtu hna cu chunglei thawnnak ngei dingin Bawipa nih a kan cawnpiak, zumtu hawidawt chunglei thawnnak na ngeih lo a si ahcun,

nifa na nunnak hi aa lualaa lai i, zei huahaa lo ah, hnahchawl car thli nih a duhnak poah ah a choih bantukin,

vawlei thil hna le umtuning kalning hna nih na nun cu a duhnak paoh ah an thui an vawr lengmang ve ko lai, chim duhmi cu lenglei thil hna hi,

Thiangthlarau pekmi chunglei thawnnak tello in cun pakpalawng bantuk men a si ko, zumtu hna nih chunglei thawnnak in lenglei thil kan tei khawhmi tak kha vawlei

kan tei timi cu a si ko, kan Bawipa Jesuh khrih zong nih vawlei a teinak cu a chunglei thawnnak thawngin a si.

Cucaah tu kan vawlei rocket zuan bak in a zuang I a rangmi kan vawlei thanchonak a rangmi ahhin, zumtu hna nih van lei zoh hmanh ti loin vawlei lawng kan zoh sual ahcun, kan nun lamping ah a kan luhpi sual nak hnga lo I ralrin ngaingai kan hau cang I, vanlei zohtu in kan nun hmang hna usih.

Vawlei na zoh paohah buaibainak lawng na hmuh lai, vanlei na zoh a si ahcun Pathian sunparnak na hmuh ve lai.

( John 16:33 )Nannih nih keimah he nan i pehnak thawngin lungdeihnak nan hmuh nakhnga hihi kan chimh hna vawlei nih hin

harnak an pek hna lai, sihmangsehlaw tih hlah u vawlei cu ka tei cang tiah ati.

+++