Biachim Holhrel Ah Ai Ralringmi Cu Mifim A Si

Nikhat cu Greek mifim pa Socrates sinah mipa pakhat a ra I cu pa nihcun hitin a ti, “ kapu, na hawipa kong ah bia ka theihmi hi na thei ve cang maw”tiah a ti ti si.

 

Socrates nih cun si cun um rih ka hawipa kong na ka chimh ding a si ahcun, afiang bak tinak tette, biahalnak pa thum na ka leh ta a hau lai tiah ati.

Biahalnak  pakhatnak ah, a hmaan bak, asi bak tinak tette, bia na ka chimh dingmi cu a hmaan bak ti khawhnak,  asi bak ko tinak na langhter kho lai maw? Na chim kho lai maw? tiah a ti.

Cu pa nihcun , ka thei ve lo midang chimmi ka theih ve mi a si ko tiah a ti, Socrates nihcun um sicun a za cang, chimh na ka duhmi cu ka hawipa kong a si I mi nih an chim chinmi a si ti, tiah ati.

Biahalnak pahnih nak, ka hawipa kong na ka chimh ding cu a tha lei maw?asi lai achia lei dah a si lai?

Cu pa nihcun, si ka pu a konglam thalo lei achia lei asi e ati, Socrates nih cun um na sung than ne ati.

Biahalnak pathumnak cu  ka caah thathnemnak, santlaihnak a ngei lai maw?tiah ati i Cu pa nihcun kapu na caah santlaihnak le thathnemnak a ngei dingmi cu a si ka zum lo ati I, Socrates nihcun cuti asi ahcun biahmaan biadik zong asi fawnlo, akonglam thalei thawngpang zong asi fawnlo, ka caah santlaihnak, thathnemnak aum fawntung lo dingmi cu zeicahdah chim tualmal cu na ka timh, tiah a ti.

Note//Pathian nih a kan dawtnak le a kan khamhnak Thawngtha chim ding le phuan ding ah fialmi minung nihhin thawngtha chim lole phuang loin ziah mikong thawngchia le thangchiatnak hi kan chim I kan phuan huam ngaingai hnga, Pathian bia thawngtha cu midang caah damnak, lawmhnak, hna ngamnak hna a petu a si cu si loin a ziah mi kong ceih le thangchiat tu hi kan huam khun hnga, kan I buaipi deuh hnga mah caah hin kan ram hi a dam khawh lonak a si, a dik le dik taktak lo zong ngalh lomi le afiang lomi ,a fiang le fiang lo zong theih huaha lomi ,kan caah santlaihnak thathnemnak zong a si lomi kan chim tukmi le kan phuan tukmi nih hin remlo nak a chuahpi hlei ah kan mui ah midang nih Jesuh khrih mui an hmuh khawh tawn lonak hi a si.

Biachim holhrel ah ai ralringmi cu mifim a si.

+++