Nun Beidongmi Hna Caah

Mahte lawng  na si I, umhar lilennak nih an phak lio caanah hi vawleicung nun hmanh huam ti lo caan na ngei ve tawn  maw?

 

Kan tuh sualmi zunin, mi nih soiselnak le thangchiat na ton lio caan hna ah khan hi vawlei hmanh ah um huam ti lonak na ngei tawn ko lo maw?

Na dawtmi he nan karlak dirhmun athat lo tik ah, hnulei chit in kaltakmi dirhmun I na dir lio ah, nangmah te lawngin hi vawlei nun vunhman ding ruat kho loin thih, mah le mah I thah hmanh na duh caan a um ve tawn ko lo maw?

Zu ruangah na buai, zu cu kaltakin hawi bantuk tein thiang tein nun na duh ve tawn, cu Na duhnak tlinter dingah le nangmah ah thawnnak aum lo naa timh len zongah zusal in na luat kho lo cutikah nun beidongin hi vawlei nun nihhin an simh caan a um ve tawn ko lo maw?

Innchungkhar he buai I harsatnak tampi tawngin hawitha ah na ruahmi hna nih an in hlawt I an in kaltak caan hnaah hi vawleicung nun hi huam tilo caan na ngei ve tawn ko lo maw?

Chawva tampi ngeimi mirum hna le thilti kho hna tlerkhawnnak vawlei ,sifak le retheih hna nautatnak hmun thledannak hmun vawlei hi a fair lo a dik lo na ti caan a um ve ko lo maw?

Ngandam le a nungmi si hi a sunglawi tukmi a si hi vawlei ahhin, nain nunnak a kan petu Pathian tello cun , lungretheihnak,harsatnak, beidonnak menmen a si, cucaah nunnak a kan petu Pathian he kannun hi hmang hna usih law, kan khuaruah ning le kan thil hmuh ning zong ai thleng  lai.

Na thilrit le na retheihnak bomh dingah Bawipa cu timhcia te a si, awlokchawn ni le vansan ni caan ah a fuh panhmi hna a bawm tawntu Pathian a si, minung cu leidip men kan si kan thawnnak le thil ti khawhnak hi zeihmanh a si lo bochan tlak a si lo, amah thawnnak bochan in amah thawnnak in harsatnak phun kip chungin an chuah lai, amah na fuh panh asi ahcun thil  zeizongah bochan tlak a si zia an hmuh ter lai.

Rethei le thilrit mi vialte hna, ka sinah ra  tuah u,dinhnak kan pek hna lai.( Matthai 11:28 )

+++