Mihrut Le Mifim An I Dannak

Mihrut hna cu bia vaizuan sawhsawh lawngin a khat tawn.

 

Mifim hna tucu bia dawh le bia tha fimnak bia le ruahnak fim hna in a khat ve tawn.

Mihrut mit nihcun thil dawhcah lo lawng a kawl I a zoh tawn.

Mifim mittu nih cun santlai mi le a sunglawimi lawng a zoh I a kawl ve tawn.

Mihrut ka nih mi lungfahter nak le hliamnak bia lawng a chim tawn.

Mifim ka tu nih cun midang damnak le lunglawmhter nak bia tu a chim ve tawn.

Mihrut ruahnak cu amah ca zongah tihnung a si tawn.

Mifim ruahnak tucu amah ca lawng hmanh si loin,a kiangkap mi hna ca le khua le ram ca hmanh ah damnak a si ve tawn.

Mihrut kut cu sualnak caah hriamnam tha bantuk a si I, midang lungkuainak phakter tu a si tawn.

Mifim kut belte cu adermi hna caah thawnnak petu a si tawn I, bawmh haumi bawmtu kut a si I, hliam tuarmi hna bultawltu le damtertu kut a si ve tawn.

Mihrut ke nih cun sualnak lam a zulh tawn I, a donghnak ah mitthli tlaknak le buainak chuahtertu ke a si tawn.

Mifim ke tu nihcun nunnak lam a zulh I, midang zong a hruai khawh hna I cu lam nih cun a donghnak ah hna ngam lawmhnak, a dong tilo mi lawmhnak hmun ah a phakpi ve tawn hna.

+++