Duhtlin Lonak Vawlei Ahhin Kan Hrum Kan Ai

Minung asi mi paoh nih harsatnak hi kan ngei dih, nain kan harsatnak cu a khat dih lo cu harsatnak ruangah ahohmanh I mawhchiat khawh a si lo, harsatnak vawlei ah pei kan um rih fam cu, cun harsatnak kan tonmi nih hin minung ka si ve rih tinak tette a langh ter.

 

Hawidawt nupi/pasal ruangah lungrethei le beidong in na um tawn maw? Duhnak dawtnak ruangah lungfak zaangzuul in na um tawn maw? Na hawi le vial an dl he nuamsul in an len

an vah caan le an tlangval hna nih an care mi hna na hmuh hna tik ah anmah bantuk si duh ah lungsivang le ningzak zaangtlung lo ngai in khuacaan na hmang tawn maw?

Midang na hawi le bang na si khawh lo ruang le na sinak nih a phak ve lo tikah , nun zuam ti lo, thih deih hmanh a duhmi mah le mah tiangin nunnak I lak tiang hmanh ngamh in na lung ah a chuah caan a um ve ton maw?

Hmurka thlum in an chat tawn I , an nihter tawntu a online ti na theih ko bu ah an chat lo ruangah, amah chat ngilhnganh in lungretheih lungnuam loin na um ve tawn maw? 

Na hawi le na bochan ngaimi hna nih chawnh duh lole zeirel loin an in um caan le sms zong let duh bak loin an um tawn caan ah lungfak in mahte lawng thlavaikiang taktak le thachia in beidong taktak in na um ve tawn maw?

Cu hna cu minung nih kan si ding phun a si, zeitluk mirum le minthangmi hna zong hi harsatnak an ngei ve ko dakkaw ,cucaah rum ngai tung I hi vawlei ah nung huam ti lomi an um rualrual in minthang ngai ko nain I nuamh bak lo I mah le mah nunnak hmanh lak aa timmi an tampi ve.

Aruang cu minung kan nunnak ah achambau pengmi a um, kan chunglei nun te nih tihal in a halmi achambaumi a um, cu kan nun a bau mi te phihkhah ding le diriam ter ding ah hi vawlei minung ah ahohmanh an um lo mah caah cun mah kan nun abau mi te a ngeitu Pathian nih a fapa a kan pek nak a si, “Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra” a ti.(John 10:10 )

+++