Asual Lomi Palek Nih Vual Dihlak In An Ka Thuat

Voikhat cu khua chungah duh herhmi cawk ah ka kal, mall pakhat i ka va luh bak ah palek pawl nih cun thut tiah an ka tlaih colh ko zeidah, zeidah ka sual ka ti len hna zongah zeihmanh chim lo in an ka bengh ,an ka chuih, an ka nam,cu hnuah an ka hruai le an station kan phan cu zongah cun ka halmi hna cu zeihmanh an ka let hlei lo, a leh cu chim lo hal ka timh nem hna ah fak chinchin in an ka cheih si.

keimah le keimah cu khua ka ruat a zei ko dah ka tuah sualmi um hnga ti ah zeihmanh zong tuah sualmi um in kai thei fawn lo palek pawl nih cun cei lak cun an ka thuat si, cuticun an station sau nawn ka um hnu fung he kut he ke he vual lak le duk lakin an ka thuat hnu ah ,bo thum pa office in a rak chuak ,palek pawl cu thlah uh tiah nawl a vun pek ko hna, cu hnu ceo ah palek pawl cu ka sinah an ra  mi kan I palh an hung ti nem le an ka thlah than.

na chuak kho an ka ti men le an kal ko ka thinhun ning cu ka thuat ve men hna lai tiah palek an si hoi le leh awk le an tha hoilo cuti te cun inn lei ka panh than, mah hnu ka tin pah ahcun a si khe lai eh sualnak ngei zong ka si  lo ka tuah sualmi zong kai thei lo cu I duk viar I  mi thuat hna cu ka ti pah in ka ruah ka thin hna a ka runh deuhdeuh.

Cu hnu tlawmpal ah ka lung ah a rak chuakmi cu misual ai ah keimah nih ceilak cun ka tuar manh ve va si ko kaw, palek pawl nih cun bo dih lak cun an ka tongh manh ve ko , cu I ka lungah a chuakmi cu aw Bawi Jesuh zong kha amah sualnak ruangah si bak ve lo na in sualnak a ngei ve lo bakmi kha ralkap hna kut kha  ceilak in a tuar lawng si loin a nunnak tiang a liam I sualnak ngei lo nangmah le keimah sualnak ai awh ah amah nih fahnak a tuarnak vialte a vun ka ruahter than , mah hnu ceo ahcun  palek pawl nih cei in an ka thuatnak ka thinhung mi vialte cu, ka philh I lawmhnak in ka khat than , thazaang thar ka ngah than.

Chim duhmi cu zumtu hna nih harsatnak, fahnak, tuarnak kan in tawnmi lak hin Pathian nih a biathli le  cawnpiak duhmi a rak kan ngeihter tawn, keimah ve ahcun ka thin cu kai hun sek ve ko nain  aw kan Bawipa nih pei kanmah hlanpi ah mah bantuk hna hi a rak tuar diam cang hi ka ti le ka lung hna ngam than.

+++