Ka Nun Ka Ruahnak Thangcho Seh Ti Na Duh Cun Rak Rel

#Lihchim thawnngai nak in, sifak si a tha deuh.

 

#Muidawh nak nih, thinlung a lak I, nunning ziaza dawhnih thinlung a tei tawn.

#I hmuh i ton naknih, biaka in chimmi tampi nakin mual a ngei deuh suamau.

#Vawlei thil ah na luh deuhdeuh paoh ah, na thinlung nih Pathian sin lawngah lawmhnak taktak a um ti cu a ngalh deuhdeuh ve ko lai.

#Kan chan zahceo a liam hnu lawngah, nun sullam hi minung nih kan i fiang tawn.

#Midang caah santlaihnak na ngeihlo hmanh ah, midang caah hnahnokmi kan si lo hi a biapi.

#Midang abomchhan kho kan si lo hmanh ah, harsatnak kan va pek lomi hna hi kan va bomchanh hna pakhat cu a si ve.

#Nun nuamhdeuhnak dingcaah thlacam hlah, Harsatnak nun teikhawh nakding thazaang tu hal deuh.

#Ka ti kho hnga maw? ti na ruah lioah khan, mi timhtuahnak a ngei i mitumruh nihcun an in lonh cang.

#Midang a nuamhter tu hna hi, a nuam pengmi an si lem lo.

#Mi kepkha le mikhiarcar nih cun a mahzawnlawng aa ruat tawn.

#Mi nih a cungah sualnak a tuahtu a ngeihthiam tik hnaah khin, a philhcolh ti nak a si lem lo.

#Tulio kan kalnak lam hna hi, tih a nung cucaah na kaltik ah fimkaan tein kal.

#Thlalang cu a kuaitik ah ruh i remhkhawh than asi ti lo bantukin, mi nih an in zumhnak kha ahrawk tik ah an kan zumh thannak ding ahcun caan tamtuk ai duh cang ti kha philh hlah, hlan lio bantuk in an thinlung zatein an in zum kho ti lai lo.

#Mi panih a neih tein umter kho tu cu, nihnak  I nuamhnak hi a si.

#Na dawhnak le duh na nunnak ruangah an duh tu cu va hrial hna, na rawhtikah an in kal tak  ko lai, cucaah na dirhmun na sinak a thei i an duhtu kha va thim deuh hna.

#Nu/va or innchungkhar dirh an i timh tikah a nuamnak lei nakin harsatnak leiin a thok lai ti kha philh lo ding.

#zeicatiah khuapi pakhat an dirhtik ah harsatnak tampi tuarhnu lawngah khuapi cu a dir tawn ti a si.