Soiselnak In Hlorhnak Nih Thil A Ti Khawh Deuh, Ka Ngalhnak Kau She Ti Na Duh Ahcun Rak Rel Lengmang

#Ngandam a sunlawi zia hi, a zaw fakmi hna nih an theih khun.

 

#Biathli sipsep,sipsep tiin chim a hmangmi nih, hawikom tha mi anthen tawn hna.

#Harsatnak natawn tikah i lawm ko, zeicatiah hrial na duh nain na hrial khawh tunglo tah bu le hacang rial bu te he na pah tawnmi nih khan teinak lawmhnak a chuahpi tawn.

#Tih ngeihlo hi ralthat asi lo, teinak hi ralthatnak cu a si, miral tha hna lawng tihnak ngei lomi si loin, tih bu tein atuah ngammi hna le apah ngammi hna hi an si mi ralttha ti mi hna cu.(Nelson Mandela)

#A langthan dingmi lihchim nakcun, a dikmi hi chim sihlaw midang zumhtlak sinak kan hlawh deuh lai.

#Hmur ka nih cun lih a chim khawh, nain mit au nih a dik mi langh ter.

#Mifm nih a mah ngeihmi thil a ruah, mihrut nih midang ngeih mi thil a ruah.

#Solphelhnak chim thiamtuk hi midik lomi hna ziaza a si, solhphelhnak bia na chim thiam tukmi nih khan zeibantuk mi dah na si ti langhter.

#Kan damchung caan tlawmpal te chung ahhin, midang va dawtnak caah caan tlawmte lawng kan hman I, mi huatnak caah caan kan hman tammi hi a poi bikmi cu a si tawn.

#Na thit/umpi na duh lo ding mi kha, voikhat it pi duh ruangah kan duh/dawttuk tiin ti hna hlah.

#Midang va hlennak in, mah le mah i hlen a let in a fak deuh suamau.

#Fale tu le hna hi, ro sunglawi an si caah hmailei an zulh dinglam kan hmuhsak khawh hna lo hmanh ah An kallo nak dinglam tal, kan nunnak in cawnpiak hna usih.

#Muihnak chungah zeihmanh hmuhkhawh asi lo bantuk in, zumhtlak lomi sinin zeihmanh hi hmuh ding I ruahchan ve hlah.

#zertiannak he thil ati mi cu, mi ngandam lo an si ti nak a si ko.

#Soisel nak in, fak, hlorhnak nih thil ti khawhnak a ngei deuh.

#Theihkhawhnak caah cun, theihnak, ngalhnak a herh.

#Na zuanhnawh mi cu, na zuanhnawh hlanah a sining, asinak, a zeizong theih dih ngalh dih ta I zuam, chim duhmi cu I fiang ta ti nak a si cu. Na fian lo ahcun na zuanhnawhmi nih na nun an hrawh lai.

+++