Sunday Post

Dawtnak aw cu a thlummi lawng asi ballo, a khat caan zong a um ve ko.

 

Thingkung i na kai tikah a kai lei lawng kha ruat hlah, a ttum lei ca zong kha ruat chih.

A cunglei in zuan na timh tikah, na tlaknak ding kha zoh hmasa ti a si.

Thutdanh sang i thut na timh tikah, thutdanh niam i na thutte lai ding zong kha ruat hmasa ti asi.

Hlawhtlin taktak na duh asi ahcun hlawhcham hmasa ti asi, zeicahtiah cun hlawhchamnak hi hlawhtlinnak hleihlaak asi ti asi.

na hlawhcham hmasa lo ahcun hlawhtlin timi sullam taktak na ngal taktak bal lailo ti asi.

Minung kan ral ngan bik cu kanmah hi kan si ti asi, mah le mah aa tei kho mi nih vawlei hi an tei tawn, Jesuh nih vawlei a tei ningte zong mah tite cun a si.

Tuahdingmi a um ah cun, tuahlo dingmi a um ve tuahding cu harsa ngai

hmanhsehlaw a hnu ah lunglawmhnak a chuakpi tawn.

tuahdingmi nakin tuahlo dingmi kan tuahsual tikah a hnuah kan nunnak ah harsatnak kantong lengmang tawn.

kalnak dinglam a um ah cun, kallo nakding lamzong a um ve, cu i kallo

nakding lam i kan kalsual tikah a donghnak ah lungfah, ngaichiatnak.

i ngeichih nak kan tongtawn.

cucaah kan fale hna hi an hngakchiat lio tein a zulhdinglam a tuahdingmi

thil tha tein cawnpiak ahcun a upat tikah a kaltak ti lo ti a si.

Chawva rumnak kawl in na fale na vah tak lengmang hna a si ah cun, na

Tar tikah na fale zongnih chaw le va kawl in an in vah tak caan a phan ve te lai.ti a si

+++