A Ngeihmi Hnihchun Thinlung Te Kha Va Hrawh Piak Hlah

Miphun tanh nak cu, lainawnnak a si.

 

Na sining bantuk i an si lo ruang i na rem hna lo a si ah cun, an sining bantuk in na si ve lo ruang ah an in rem ve lai lo.

Zumtu hna hi tangka sal kan si ding a si lo, tangka tu hi kan sal a si deuh ding a si.

I dohnak hmun ah teitu cu mi tthawng/chak mi an si i, nain mah le mah a tei kho mi cu mi lianngan mi an si.

Na zuamcawhmi minung tei ding lawngkha si lo in, na tuahkhawhmi ah a tha bik si i zuam deuh.

I hlennak tih nung tuk mi pakhat cu.(muihmai)hi a si.

Mitha hna thinhun tih a nung, cunak in misual mi hna thinhun tih anung deuh rih.

Na sining tein langh ding kha i zah pi hlah, mah si ning te ah lungawi khawh hi rumnak pakhat a si caah le Pathian nih kan si ning te hi a duh mi a si caah kan si ning tein kan langh ngam ding a si.

Na pianthar/hrinthan atlai ruangah ningzak in um hlah, pianthar/hrinthan tlai nak in, hrinthan lo pianthar lo a pawi deuhmi a si rih.

A nih zong mahbantuk a si ve ko, a ti legmang mi hna khi, midang siamthat a hngak mi an si.cucaah mi sersiam ding ah cun mah le mah i sersiam hma sa a hau ko.

I fimter tuk in mah le mah i bochan in i seihchiah tuk hlah, nahrut ning langhter tu ding thil na ton te lai kha, Pathian nih hi vawlei fimnak cu fimnak ah a chiah lo caah.

Thakbere/hmakphek/hmahthak hi a chim in chim nak in a ei in ei ah a thakzia hi theih a si, cubantuk tein dawtnak zonghi a chim in chim nak in a chungah luh a ram ah um ah hin a sining theih deuh a si.

Pathian nih cun na phurh khawh lo thil an khinh lai lo, kanmah nih cun kan phurh khaw ding le phurh khawh lo ding kan thei lo nain, a nihnih cun a thei.

Ngaihthian hal ding tlak thil mi cung ah va tuah hlah.

Hi vawlei ah thil a fiangmi pakhat cu thih hi a si cucaah thih hnu ah koika leilam dah na panh lai, kan panhding a fiang milam pa 2 lawng a um zungzal hremhmun le zungzal nuamnak, cucaah kan nunchung ah lam pa 2 thim ding Pathian nih a kan pek koika leilam dah na thim ve lai na lung I thlek cucaah kan Pathian ton awk ah I tim cio cang hna u sih.(Amos 4:12)

Mi thinlung va hrawhpiak hna hlah, zeicatiah cun thinlung pakhat lawng a ngeih caah a ngeihchun te hrawh piaknak in a ngeihchun thinlung te cu lawmhter tu I zuam deuh hna usih.

+++