Carel Huam Hi Thanchonak A Si, Arel Huammi Hna Caah Hlawknak Tampi A Um

Minthatnak hi kan kawl cio hna, nain koika ah dah a um ti ah cun.(dinnak-zumhtlak sinak-felnak-toidor)nak hna ah a um.

 

Lungvar le sui an sunlawi nak hna hi, anmah ah si loin a hmutu mit, thinlug ah a si deuh.

Cubantuk tein dawtmi hna an i dawhnak le duh an nunnak hna cu dawtu thinlung chung ah a si ve.

Na muihmai nakin na nuncan ziaza kha a biapi deuh ah chia, cucu na muihmai taktak cu a si.

Na ruahnak in thei law, na thinlung in i tleih law, nunnak ah a tak in langh ter ding a si.

Mirum hna nak in mi rethei, sifak nih rawl thaw an ei deuh ti a si, a ruang cu an rawltam nak nih an kaa a thaw ter hna caah asi.

ke bul/ke ngeilo ka hmuh hna hlan ah khan cun, kedan tha bunh awk ka ngei lo ah ka vuivai tawn.

Umnak ding caah, saduhthatnak tha bik mi cu mi ruahnak chungah asi.

Umnak ding caah, ahim nak bik cu mi thlacamnak chungah asi.

Umnak ding caah, a that bik nak hmun cu Pathian kut chungah asi.

Atu laimi kan nun ah a herhbik mi pakhat cu, Pathian kan lei ah a ttang maw ti nak in

Pathian lei ah kan ttang ve maw ti hi a si.

Laksong a sunlawinak cu a lian le a fa ah a si lo, a sen maw a rang(color)man fak mi a si ti zong ah a si lo, zeitluk in dah a man fah i ttangkai ti zong ah a si rih lo, thinlung chung in a rah chuakmi dawtnak taktak he pek mi a rah si caah a si, khamhnak hi Pathian laksawng a si.

Mivialte nih cun na(car,motor)ah cuan cu an duh cio ko lai, nain na herh taktak mi cu na(car.motor)a rawhsual tik zongah bus ah an cuanpi duhtu ding minu/mipa kha a si.

Duh/dawtnak kal takin, rumnak/cawva duh ruangah nupi/va/pasal angei mi cu a zalon/zalen nak a zuar a si.

Kankal nak paohah a kan hliam khotu hling a um ti kha philh lo tein, ralring tein kan kal kha a tha.

Caan liam cangmi na tonmi ah vanchia ah ruat loin, tu caan tha kan ngei rih mi ahhin, mi vantha ah i ruah deuh ding a si.

Minung caah ngandamnak rawl tha bik cu a mah konglam a tha lei in, chim phuan kha a si.

Mi nih an in zumhtuk a si ah cun, an zumtu sin ah khan i ralring.

Tangka in zeipaoh cawk khawh a si, nain nunnak a caw kho lo, tangka nih koika paoh ah a kan phak pi khawh nain vanram a kan phak pi kho lo.

Tangka nih thil a ti khawh ve, zumtu hna zong nih tangka mitthih ruangah zeizongte kan tuah ngam ve tawn.

+++