Mah Tite Bak Khan Kan Duh Ko

Nu:  ziah keimah thengtheng cu na ka duh?

 

pa: ka thei bak ve lo kan duh top ko.

Nu:  aruang  um hrimhrim lai, aruang pakhat tal in na ka chimh hau?

pa: aruang chim awk a thei lo,(mah tite bak khan kan duh ko)chim awk a theih lo tuk ah, na muidawh ruangah, na ngo ruangah, na pumrua that ruangah ati ti si.

Nu: i lunghmui nawn khin a ni, hihihi

Thlakhat a rauh hnuah.

Nucu ruahlo piin zawtnak thalo ngaimi nih a phak le a zaw a damlo, cutikah aa dawhnak, a titvun vialte, a pumrua vialte cu a rawk dih, a tak zong a nak dih cang ti si.

Pa cu sizungah nungaknu zoh ah cun a va kal ti si.

Nu: mahtihin na ka duh ti maw?

pa: atu ahcun na muidawhnak vialte, duh na nunnak vialte, a rawk dih cang le a ka duh rih lai ti ah na ruat maw?

Nu: pa nih bia a chimmi a theih tikah nucu lunghno ngaiin a tap thluahmah ti si, cu tlawmpal ahcun pa nih cun a lu a van muai pah in tap ti hlah.(mah tite bak khan kan duh ko) tiah a van ti than tik ahcun nucu ngaihchia ngaiin a tahnak mitthli cu lunglawmhnak mitthli ah ai cang than ti a si.

Cucaah aruang um in i duh timi le muidawh ruangah, titvun thatnak mitthitnak ruangah, pumrua that ruangah i duh timi cu cu a ruang cu chitkhat ah a rawk kho mi a si, cu arawh rualrual in kan duhnak hna zong a rawk colh ko lai, cucaah ruang um lo duhnak dawtnak timi cu a sunglawi tukmi a si.

mah he pehpar in chim ka duh rihmi cu duhnak vialte le dawtnak vialte lak ah a ngan bikmi le a thuk bikmi, asang bikmi dawtnak Bawi Jesuh nih a kan dawtnak hi asi, i nunpi phu, i thihpi phu a si, Pathian dawtnak na fian taktak ahcun Bawi Jesuh nih a kan dawtnak hi na thihpi ngam ko lai, na nunpi ngam ko lai ti ka zumh.

+++