Arel Mi Hna Caah Cun Pakhatkhat Cu Nan I Hlawkpi Hrimhrim Lai

Na ti khawh lomi thil hna cu na tuahkhawh dingmi thil hna ah lam an dawnkhan tu ah can ter hlah.

 

Mibawmhnak lawngkha hngak hlah, mi hlawhtlingmi hna nihhin lam harsa hi an zawh cio ve ko.

Mituah khawh mi va tuah ve kha cu, minung phung a si, An tuahkhawh lomi va tuahkhawh kha mi sunglawi si nak a si.

Na tuahkho lailo tiin an ruahmi na tuahkhawh ah cun mi lianngan si nak a si.

Nuncan ziaza dawh/tha hi tangdornak/intuarkhawhnak chungin a rah chuak mi hna an si.

Ruahti dorkhat te hmanh nih rilipi lam a hmuh khawh a si ah cun, Thla voikhat lungtak tein camnak nihhin Pathian sin a phak pi khawh ve.

Nithong nihcun ruah a sur mi a hanter kho lo, nain ruahsur lakah a kan himter khawh.

Mah le mah i zumhnak nih, hlawhtlinnak a phakter lo, nain kan buaimi pah ngamnak dingin ralthatnak a kan pek.

I ti sual/tuahsual palhmi in cawnpiaknak na lak lo a si ahcun, na hmailei cu i ti sualnak thotho kha a si ko lai.

Ka dik, katha, kan i ti nak zawn te hi i siamremh kan herhnak zawnte cu a si tawn, kan I palhtawn nak le, kan sual tawn nak te cu.

Pumh caan paoh i pumh penghi pianthar ti nak/tahnak a si lo, nain a pianthar taktak mi nih cun pumh loin a um kholo tu khi a si deuh.

Thlan hripi puakin tuannak le teimaknak tello rumnak nih cun phorhlawtnak a chuakpi tawn.

I hawikomh a thatnak le a nuamnak paoh ah, kan i lawmhnak a karhter i, ngeichiatnak i hrawm in, i remnak a sersiam i, harsatnak a tlawm ter tawn.

Sinak le dirhmun sang lawng2 hi hlawhtlinnak nih a timh mi a si lo,Hlawhtlinnak nihhin kan dirhmun le kan siinak a sersiam deuhtu khi a si.

Herhbau mi a tam I afah deuhdeuh paohah, i pumpek nak, teimaknak a tam chin2 ve.

Na nunning le na sinak theih na duh a si ah cun, na inn pa kha a thin va hun ter hmanh.

Bia dawh2 le bia tha2 chim phuan a thiam mi paoh hi, mifim an si hlei lo, A caan le a hmun zoh in i palh lo tein bia a chim kho mi hna khi mifim cu an si, cun nunnak timi sullam a fiangmi hna paoh hi mifim cu an si fawn.(philipi 1:21)

+++