Apasal Hmai Ah Apa Biacah Pa 10

Naa semnak chungkhar le kan chumtual cu chuahtakin, attangnem ah zungzal I bei dingah na kan kaltak cang I cucaah kei an hringtu na pa nihhin na zulhding bia pa 10 kan pek mah cu na angki thabik bantukin rak I hruk penglaw ti kan duh.

 

1.ka bia nakin nava/pasal bia cu na ngaih deuh hrimhrim awk a si.( asinah a um zungzalding na si cang caah )

2.na chungkhar cu na thinlung pe dih law, na chuahtak cangmi na nu le pa innchungkhar a nuam deuhnak chim hrimhrim hlah, na chim asi ahcun na va he nan dirh ka mi chungkhar cu nava nih a nuam a ti khawh lailo caah, na chim hrimhrim lailo.

3.nava cu na upat ding a si, na dawt ding zong a si, na tihzah ding zong asi,( va le a tihzah thiammi hna nupi paoh hi an I nuam khun)

4.nava theih loin,nava siannak tel loin, na nu le kei na pa hi fangkhat zong na kan pek ding a si lo, na kan pek a si ahcun mifir ah na kan canter a si lai.

5.nava cu a hawikawm le he an thut ti I bia an I ruah ti tikah an pongah va um ve hlah, nu nih theih ding aa tlak lomi tampi an chimmi a um lai, adang ah um law an herhmi tu va chan tawn hna.

6.nava cu awka hrangin chawn hmasa hlah, awka hrang in an chawnh hmanh ah aw nem tein let tawn.

7.nava hawikawm cu nava umlo ah sautuk biaruahpi hlah, amit zong sautuk zoh fawn hlah, I zumh lonak le I puhnak hna hi nuthlawi I cannak a hrampi a si tawn caah na hrial ding a si.

8.nava cungah na lungawi lonak maw? na lungtlin lonak hna cu, na unau nanu le keimah sinah na chim ding a si lailo, kan thin a hungin thil tha lo hna a chuak kho,nava cu misual tuk hmuhin kan hmuh sual nak hnga lo, nang zong thil cu na ti sual ve tawn ko kha philh hlah.

9.nava cungah na lungtlin lonak lungawi lonak a um si cun, a nu le a pa a unau sinah na chim deuh ding tu a si lai,a hngakchia lio tein an nunning a rak theitu le a ngaltu an si caah cucu na caah a tha dingmi a si.

10.nanu le pa na unau hna nakin,nava nu le pa unau kha na dawt deuh ding hna cu a si,cucu kanmah chuahtakin le na chungkhar cu kaltak in na panhmi hna chungkhar an si caah , na dawt deuh ding hna le rualrem tein nan um ti ding hna cu a si.

+++