Korin Khua Khrihfabu An Rak Buainak Aruang Bik Cu

1Korin 1:12 Ka chim duhmi cu a cheu nih kan nih cu, paul a tanhmi kan si, nan timi le a cheu nih kannih cu Apollo a tanhmi kan si,nan timi le a cheu nih kannih cun Peter a tanhmi kan si, nan timi le a cheu nih kannih cu khrih a tanhmi kan si, nan timi hi a si.

Korin khua khrihfabu dirhmun hin kan nun rah i bih ve hna u sih

1.Paul a tanhmi.

Paul a tanhmi hna nih paul hi an cawisan i,cungah an hlawrh an cawi,an uar ngaingai fawn, Jentail mi an si lai tiah zumh an si,an mah zawnlawng an i ruat i midang an rem hna lo.zeiah an rel hna lo,khrih nih luatnak.zalonnak.a kan pekmi le paul nih kan luatnak/zalonnak kong a chimhmi hna le,a cawnpiakmi hna cu a si lo ningin/diklo in an hman hlei ah,pual nih a cawnpiaknak cu an zul taktak fawn lo.

2.Apollo a tanhmi.

Apollo hi Judah mi, Alexandra lei in a ra mi a si, Pathian bia chim a thiam ngaingai mi le a thei ngaingai mi a si caah, korin khua zumtu cheukhat hna nih a bia an ngaih i an cohlan i an zohsang ngaingai mi a si, Apollo a cohlang lomi le, a zoh sang ve lomi cu an rem kho hna lo, an kawm kho ve hna lo, Apollo a tanhmi hna nihin fimnak,thiamnak,theihnak, an zohsang i, a uar ngaingai mi an si hna.

3.Peter a tanhmi.

Peter hi cu zultu hna lakah upa hruaitu a rah si ve ruangah, korin khuami hna micheu khat nih an uar i an zohsang ngaingai mi pa a si ,a uar tu le a tanhtu hna hi Judah mi deuh an si caah, paul a tanhmi hna nakin a sang deuh le a si khun deuhmi ah an i chia hna, anmah hi a si bikmi ah an i ruah caah, an ruam a kai ngai an mah a tawiawm lo i, an sin i a tel ve lo mi hna kha an zawmhteih hna i khrih ah pumkhat si nak an duh lo.

4.Khrih a tanhmi.

Khrih a tanhmi hna phu nihin cun korin khua i a ummi khrihfa taktak le zultu taktak zumhnak a dik bik mi kan si ti ah anmah lawnghi an i ruah ve, Bawi Jesuh le paul nih an cawnpiakmi hna zulh dingmi cawnpiaknak cu an hlawt i, paul nih a cawnpiakmi hna luatnak.zalonnak cu Pathian duhning i hmang loin an mah nih an duhning le an ruahning/rem an ti ningin nun a duhmi hna an si.

Zumtu hawidawt nang le kei teh buu tlang hna ah kan dir tuk ve sual maw? Thawngtha phuangtu ciocio hnaah tanh tuk khunmi le uar tuk khunmi hna kan ngei sual ve maw? kan doctrin hna fak tuk in kan dirpi sual maw? mah nih faktukin kalpi mi le dirpi mi nihhin hawidang he rem lonak ,um ti khawh lonak a chuahpi tawn, zumtu cu u le nau dih kan si, I rualrem tein um dingah Pathian bia zong nih cawnpiakmi kan si.

+++