Lungthiang Tein

Ka nunhlun le ka konglam na hlathlai ding a si ah cun na caah kei cu tlinnak ka ngei kho lailo, hlathlai tlak nunhlun na caah a ngeimi ka si ve lo.

 

Aliam cangmi ka caan hmannak na cuanh thanding asi ahcun, ka sinin hmuh na duhmi na saduhthah hna cu na hmu kho ti lailo.

Keimah zong nih mitthlam ah vun cuan ter than ngam ding zongah kan duh ti lomi thil sual tampi ka tuahmi a rak um caah ka nunhlun ah khan cun duh a nung lomi nun tampi a rak um.

Kha vialte kha atu I ka nun tahnak I na hman a si ahcun, kei cu na caah ka tling lo, hmuh na duhmi le na kawlmi cu ka si lailo ti nak a si.

Ka fel lonak le ka sining tein na ka pom khawh lo ding a si ah cun, ka thinlung innka hi rak king ti hlah, rak ka neih ti duh hlah.

Ruahchannak le saduhthah hna na ngeih a si ahcun, naa ruahchan bantuk le na saduhthah bantuk ka si lo zia na theih hlan le na ngalh hlan ah, ka saduhthah bantuk na si lo na ka ti hlan te ahhin ka sinin I thial ko, lungthiang tein .

+++