Na Caan Tha Hman I Palh Hlah

Nizan le zahan ah an veng I an umpi I dam le lawm tein tuchun an hman tertu, an phak tertu Pathian cu philh in zeirel loin um hrimhrim hlah.

 

Aw ka thlum le nem le ,mithmai panh hi hawidang caah damnak si tha a si,ti zong philh lo ding.

Lungrethei lo tein tuchun hi hman kho cio hna usih law a za diam, kan nunchung ah buainak le minung hi I then khawh dawh kan si lo.

Vawlei hi a buai a si lo, minung tu hi buai ding le hnahnawh ding le lurit dingin vawlei tuah a rak chuahmi kan si, ti hi kan pom cio ding a si.

Tu I caan kan ngeih cuahmahmi hi sui,lungvar man sungnak in, a man a sung deuh ti kha theih ding,  caan tha na ngeih mi a hman I palh hlah.

Tuni I naa lawmhmi le thiltha na tuahmi hna nih khan thaizing caah ,lawmhnak chuah tertu lam a sialtu an a si lai.

Pathian kutchung ah lawmhnak tling le ,hna ngamnak a um ti kha philh hlah, Pathian he I hlat hlah, amah nih na lam tluan ah an hruai lai.

Amah cu hlawt hlah law, amah zong nih an hlawt ve lailo.

Atu I kan hman cuahmahmi caan hi aho nihdah an kan ngar bik tiah cun, hell a tla cuahmahmi hna nih an kan ngar bik, an nih cu I ngaihchih zong a ngah tilo I, I chirnak caan zong an ngeih ti lo caah asi, nang le kei cu caan tha kan ngeih rih mi hi a sunglawi tuk hih, kan tuah sualmi siseh, kan palh sualmi siseh, kan nun sualmi hna zong I sersiam nak caan a um rih hi, I ngaihchiahnak caan kan ngeih rihmi hi a sungtuk hi, cucaah na caan tha ngeihmi kha  a hnu ah I ngaihchiah than ti lo dingin hman I zuam. 

+++