Nu Cungah Pa Cheukhat Kan Zia

Nu muidawh le titvun ttha bih le zoh ngiat a poilo tin kan ti lio ah, kan dl nungak hna nih tlangval muidawh kong an van chim ve ahcun a celh in kan celh lo, kan thin a hung colh.

 

Rak kan daw seh, rak kan ngaihsak/care ngaingai ve seh ti kan duh lioah, nupi/dl le nih an thil duhmi an kan hauh ve mi cu zeiah rel piak lo kan hmang fawn.

Kan nawlngai hna seh tiin kan kuttang ah umter kan timh hna lioah, kan palh/tlinglonak, an chim tikah kan thin a hung fawn, thih kan ngamh hoi.

Nungak dang nih Hni le skat elzim langin aa hrukmi hna azoh le ahmuh anuam kan ti hna lioah, mah chungkhat unau, dl le nih an i hruk  ve citcek ahcun kan thah deng hoi hna, an lu kan lak hna lo lawng hi si hoi, hahaa

Khua ma caanah anmah tello in a um kho le a nung kho bangin kan i umter i, tlawmpal ah kan hlam colh hna, anmah lo cun kan celh ngaingai fawn lo.

I helh lio caan hnaah, nu nih aka duh ko ti thei in hnohhnawh I, kan i piat lai tiin tthihphaih/tlerhkhonh a hmangmi kan um.

Kanmah duhmi tucu hmunkhat teah tuahti kan duh i kan fial hna lioah, anmah duhmi tucu ti lo zongah poilo tiin maw, a hnuah kan ti te lai tiin kan ti piak theu tawn hna.

Tangka hman na thiam lo tiin kan mawhchiat hna lio le a herh lomi ah na hman le cu e kha e, kan ti lio hnaah kanmah tucu kunya,le kuak, zu ah kan hmanmi hna cu kan i theihter duh fawnlo.

+++