Lungkuai, Beidong, Vansang In A Ummi Hna Caah

Nungak hnukbor ngan ngaimi hna nih, tlangval mitcu la ngai hmanh hna sehlaw, a hnu I kan thim deuh taktakmi cu thinlung thiangmi kha an si ko.

 

Nungak a sexy ngaimi hna nih tlangval mitcu la ngai hmanh hna sehlaw, pa thinlung cu nunzia dawhtu  nih a hip deuh cingcing tawn ko.

Pa nih nu muidawhmi hna hi lawm ngai hmanh hna sehlaw, azoh deuh taktakmi cu a ziaza tu kha a si deuh tawn ko.

Nucu I tamhboih thiam in hnipuan ruk eih thiam ngaimi hna nih, pa mit cu la ngai ko hmanh hna sehlaw, a cawlcangh, abia chim, thutdir, hawiher ning dirhmun in tihzah le upat nak a co tawn.

Nu nih ka tap lo ati asi ah cun, a mitthli tampi a rak I hnawh cang ti nak asi.

Pa nih ka lungfak lo ati asi ahcun, hliam fakpi in a rak tuar ve cang ti nak asi.

Nun a sunlawinak theihthiam dingah cun, harsatnak tampi tawn a hau tawn.

Dawtnak taktak kan theih khawh ve nak hnga, temtuarnak tampi kan pah/ton ve a hau tawn.

Midang caah a luangchuakmi nun a ngeimi hna nun ah, thluachuahnak zong a rak luang ve tawn.

Ruahchannak ngeih tilo hi tih anungmi asi, cucaah hmailei caan ca i naa ruahchanmi ah , harsatnak tampi na tonmi a um tawn lai, nain na lungdong hlah she.

Teinak cu zumhtlak sinak, felnak, diknak, ralthatnak, teirialnak ah a ummi a si.

Duhdawtnak ruangah a lungdong cangmi ka hmuh cang hna.

Rum ngai fawn I alungrethei I i nuamlo ngaiin nun a hmangmi hna ka hmuh fawn cang hna.

Muidawh ruangah mi nih theih tukmi si I nun aa nuam bak tung lomi le leicung um hmanh a huam ti lomi hna ka hmuh fawn cang hna.

Rian tha ngai tlai in, reng sang ngaimi si fawn I, chungsivang in a ummi hna zong ka hmuh fawn cang hna.

Hi thil ka hmuhmi vialte nihhin hi vawlei ah lawmhnak, hna ngamnak taktak a um lo ti kha a ka fianter ngai.

Mi nih zeirel lomi ,nautat ngaimi hna tu aa lawm I hna ngam ngaiin a um I mithmai a panh pengmi ka hmuh fawn cang hna.

Zingzan eidin dinghmanh a ngeilo I, hnipuan belh chom he khua asa I a lungawi ememmi ,sifak ngai i micheukhat hmaipanh emem mi, aa lawm emem mi ka hmuh thanmi hna nihhin, kuika ahdah lawmhnak taktak, lungawi nak taktak hi a um ti hi a ka ngalhter than,cucu Bawi Jesuh khrih nun a ngei taktakmi hna lawnglawng hi lawmhnak tlamtling le I dinhnak taktak aco mi hna cu an si ti hi asi.

Khrih he lo cun nun hi pakpalawng men a si. 

+++