Chuak Than Colh Dingin Ka Thinlung Ah Rak Lut Hlah (Nungak Caah)

pic: lai nungak dawh Ahoi

Ahlan bantukin kan dawt tilo  asi zongah, rak ka mawhchiat hlah mu,duhlo dingin na tuah hmasa caah a si kha rak thei peng.

Na ka ngai i,kan ngaih ve tilo asi zong ah,rak ka mawhchiat hin hlah mu,nangmah nih a hlan bantukin na ka ngaihsak tilo ruangah a si kha philh hlah.

Kan herh hlei ve tilo asi zongah,rak ka mawhchiat hlah mu,kan herh lio bik caanah na rak ka kaltak kha.

padang kutzatial tlaihin,tlangval hnu ka zulh asi zongah,rak ka mawhchiat ti hlah mu,duhnak le bochannak tehe na kut ka tlaihmi nangmah nih na hlawt hmasa a si kha.

Mitthli tla dingin lawmhnak na rak ka pek,tah ter dingin,na rak ka nih ter,beidong dingin,beiseinak na rak ka pek,ngaihchia tukmi tuanbia na ka tialpiak,ruahthan ngamlo dingmi nunhlun na ka ser piak,dawtnak deu,dawtnak misual,a thupmi kan ral bantuk,chunglei cengia lenglei tuu phaw a hrukmi bantuk,vate foih dingin thang/rap ah rawl tarh a thiammi,anka nem le na bia thlum,na bia al,cu atu ah a thianghlimmi ka thinlung kuainak a rak si ,na tahter,na tlinh khawh loding bia na kamh ,na pek khawhlo ding na tiam i,aa ruahphak lomi,na ruahchan ter,na pek sian taktak lomi cu rak tiam hlah law  mah ti lawmmam in a tuar hnga lo, chuahthan colhnak dingin maw innka on cia in na rak luh,atuhin chuak law rak kir ti hrimhrim hlah,nangmah hi ka caah rimchia,mangtha lo,bantuk na si.

Chiatserh bia a rak phanmi cu ,zeitikhmanh ah nangmah sin kir ti lo dingin,chiatserh biakamnak ka tuah cang, kallaw,liamlaw,zeitik hmanhah rak kir ti hlah,zungzal zungzal in byebye.

pic: Ahoi

Caan a vun rauh cun ka min na vun hlam te lai,cutikah an lettu ding ka um ti lailo,Val dang he ruuninn dang ka liam hnu ahcun.

Ai her lengmangmi khuacaan hna nih,kan rak um ti lio caan hna kha vun tharchuah than te lai khi tikah,ka min hlam in na hrum ruangmang te lai,auh len zongah an chawntu ding ka um ti lailo,Val dangttang ka liam hnu cun.

Caan a sau cun ka philhte ko lai tiin na ti lai nain,philh na ka timh poahah na lungah ka cam chin lengmang lai,cutikah rak kir than ko law tiin na au len zongah,zei san a tlai ti lailo.

Acaan lio teah thil ti lole,tuaktan ta loin bia na chimmi vialte cu ngaihchihnak in a donghnak na khar lai i,cu ngaihchihnak cu san a tlaih ti lo zia na fiang ruangmaang cang lai.

+++