Zeiruang Ahdah Ngaktah Buangro Hna Hi Kan Dawt Khun Hna Lai

Kan unau lakah maw? kan hawikawm lakah maw? kan pongkiangkap ah maw?  ngaktah buangro an um maw?

1.Ngaktah hawikawmh na ngeih I na pong kiangkap hna I an um asi ahcun, zohniam in zohchuk hrimhrim hna hlah zeirel lole nihsawh in thlanglamh hna hlah, ngaktah buangro sinak dingah hin, minute pakhat hi a za tuk ti kha kan philh lo ding a si, cucaah na pong I ngaktah an um ahcun a si khawh chungin dawt khawh I zuam hna, ngaktah buangro hna hi hawisin i an um ve tik ah an mui ahcun aa nuam ngai dingin lang hmanh hna sehlaw, an chunglei nun cu a tap peng an ngaihchia peng ti kha theih ding si hawi bantukin an I lawm kho taktak  lo.

2.Nang nihcun na nu le na pa na unau hna kha na duh herhmi na hauh khawh lio hna le na hal khawh lio hna ah le, nu le pa unau sinah I hnoh ngai in na um khawh lio ah khan, nangmah dirhmun kha an mithi in an chunglei nih amah bantuk hei si ve ninglaw tiin an in zoh i anin ngar tuk ti kha theih ding a si.

3.Dawtu le chonghramhtu nangmah bantukin an ngeih ve lo tikah, an thinlung kha ar bang a vai I, chambaunak in an khat ti kha kan theihpiak hna ding a si.

4.Tuahpiaktu le cawkpiaktu , khurhonhtu , dawtu an ngei ve lo tikah, an thinlung kha nangmah bantuk an si ve ti lo, duhfahnak mah ca lawng ruahnak hna in an khat tawn ti kha kan theihthiam piak hna ding a si.

5.Hawikawm lak le a dawtu hna lak zongah umdan le thutdir dan, nuncan dawh zong an thiam tawn lo, nangmah bantukin nu le pa unau an ngeih ve ti lo ruangah a si ti kha theihthiam piak ding an si.

6.Nu le pa cawnpiaknak a thei ballo le cawnpiaktu an ngeih ve lo tik ah, sik nak in conglawmhnak, thangthatnak kha an cohlan khawh deuh I an ngaih deuh ti zong kan philh lo ding asi, thil pakhatkhat a palh tikah, va si hlah a lung fak colh ko lai, a ngaichia colh ko lai, an lungfah le an ngaihchiat a fawi tuk ti zong kan theih ding asi, cu nak cun fak deuh law, vun thangthat law ti khan na bia zong an ngaih piak deuh lai ti si.

7.Thil fa tete le thil zeipipa lo ah, I ilhkhiah an hmang tawn I bobo calcal in um an hmang tawn, cutikah tangdor tein theihthiam piak an hau tawn.

8.Hi ngaktah buangro hna an zawtnak hi Dr hna le vawleimi hna nih damter khawh lomi zawtnak a si caah, mah le mah I zaangfahnak, mah le mah thachiatnak hna in an khat I caan an hmang tawn I an thlavai a kiang I an lungsi a vang I chunglei thinlung lei zawtnak a si caah a tuar a fak khun tawn ti si, cu an zawtnak hna cu  adam deuh hnga maw? tiah damnak ding kawl in kan I lawm kan I nuam ve theo lai tiah kallo nak ding ah an kal tawn I tuahlo ding hna an tuah tawn, an banh khawhmi ka nuamhnak a si theo lai an ti mi paoh an banh tawn ti si, cucaah cheukhat cu kan I nuamhnak si theo lai tiah an ruahmi cu nuamhnak si ti lo in, an nun ah pingpang an tawng tawn ti si, an zawtnak hi a fak ngaimi zawtnak a si pinah, fawi le bai in damh khawhmi a si lo caah, ngaktah buangro cu kum upa mi puitling an si hmanh ah, a kuai sual lai tiin a domh bak in domh an hau tawnnak a si ti si, cucaah lungsau te le tangdor tein zohkhenh umpi a haumi an si,cucaah cun kan kiangkap ah ngaktah buangro an um I, kan dl le kan nupi le hna zong ngaktah an si ahcun an lungfah a awl tuk caah lungfah ter chintu le an zawtnak chap chintu si lo in, a damtertu a nuamhtertu kan si ding hi a biapi ngaingai mi a si, Pathian bia zong nih ngaktah buangro hna dawtkhun ding an sinak le zohkhenh,khurhonh ding an sinak tampi a kan cawnpiak ve cucaah zawt ciocio ah a ciocio ah ngaktah hna zawtnak hi a fah khunnak a si.

+++