Kutka Bi Ah Lut Uh

Matthai 7:13-14 “kutka bik chungah cun lut tuah u,zeitin tiah hell ah a kalmi lam cu a kau I a fawi I mi tampi nih an zulh,14 nunnak a phan mi lam cu a har I a kutka a bi I a hmumi cu tlawmte lawng an si.

Tu kanchan ah a lar ngaingai mi pakhat cu( it’s my life) ti hi a si, asullam cu ka nun a si, keimah ka nunte a si ti khi a si ko, keimah cungah hohmanh nih nawl nan ka ngeih kho lo keimah nun cu keimah nih a nuam a tha ka ti ningin ka hman lai ka cungah hohmanh rak I thlak hlah uh keimah nawl te a si keimah nun keimah nih hman awk ah zalonnak ka ngei ti khi a si ko.

Adik ngaimi alo ngai nain a dik lomi a si, kan nun hi kanmah ta hlah maw a si taktak tiah kan I ruah sual taktak tawn I a rak si lo ning cu,zoh hmanh  tuah ka nun te a si zalawng tein ka hman khawh ati cuahmahmi hna zumlotu hna hmanh khi thlakhur an vun luh lai taktak le an thih lai taktak ahcun, khamhtu Pathian an hlam ruangmang ve ko hna, hi thihnak hin hodah a ka khamh kho hnga an ti ruangmang ve ko, cu nihcun kan nun hi kanmah ta a si lo zia cu a langhter tuk, kan nun cu kan Pathian ta a si I atu tiang kan nun rihmi hmanh hi kan nun a kan zuah rih I vel a kan ngeih rih a kan zangfah rih ca tuah a si, cucaah cun zumlo tu zong an nung ko tiin daipathlang in Pathian thangthat hna hi kan daithlan awk a si lo, zumlo tu nih cun an zum fam lo cu teh zeitin thangthat awk cu an theih fam hnga, an zumh khawh ve nak hnga kanmah zumtu hna hi pei chim ding le phuan dingin a kan fial fam cu kan nun zongin langhter dingin a kan fial, zumlotu hna an nun rihmi zong hi Pathian nih an nun a zuah rihmi hna cu nangmah le keimah hmang in khamhnak an co khawhnak hnga caah an nun a zuah rihmi hna an si ti ko sih law kan chim sual lailo.

Cucaah cun zumtu hna kan nun chung ah Pathian nih a kan nunter rihmi chung teah hin kan ti khawh chungin amah rian hi kan tuan tualmaal awk a si ko, harsa in, rethei ngai hmanh sehlaw, zungzal tah ai hramnak I kalnak cun ,zungzal nunnak vanram kal cu a tha deuh, hi vawlei ah nihsawh thlanglamhnak , zawmhteihnak , tuar ko hmanh usih law, zungzal vanram ah laksawng a tamter chintu an si te lai, hi vawlei cu kan caah khualtlawnnak hmun men a si cucaah cun Pathian nih nun a kan pekmi kan nun kan hman ning hi a biapi tukmi a si.

Kan Bible caangtar zong khi a taktak le a ngaingai ahcun minung kan nun kan hman ning dan a chimmi a si, mi tampi nihcun (it’s my life) an ti I an nun cu an duhpaoh in an hman I an siarem ning le an I nuamh ning paoh in an hman nain cu (it’s my life )aa timi hna cu Pathian nih (it’s mine) tiin tuzan bantuk ah an nun cu hei la diam seh law, an nun a si taktak naisai lo ti cu aa fiangmi si ko, cucaah ka nun asi tiin mah duhpaoh in hman le daipathlang in um le nun daithlan hi tih anung tuk, zumtu le bang cu kan nun hin zumlotu nih Bible an rel ti hi kan theih awk a si, zumlotu hna nih kan nun hi an bih, an zoh peng ti hi kan theih I ralring tein kan nun kan hman hi Pathian  bia zong nih a kan cawnpiak mi asi.

Cucaah cun pawl zong nih kawltung leiah ka tli tialmaal a tinak kha a si,( Filipi 3:14 ) kan nun kan hmanhnak lam tluan ah ,zumlotu hna le vawlei nuamhnak ah zalong tein kan hman khawh ve ko, zumtu hna zong hi kanmah nunte a si tiin nun khawh tuk a si ve ko, nain zumtu mi piangthar cu amah riantuan dingah ser tharmi kan si caah kanmah nuamhnak I nun hman kha a kan senh ti lo, vawlei nuamhnak hna le sunparnak hna cu mitthit bu le hman ve I nuamh ve duh tualmaal bu tein, mah hna cu hnulei chit in Bawipa nih a kan timhpiakmi kawltung leiah panh tialmaal buin nun hman kha a kan fial, kutka bi lei kal le lut cu huam lo bute le thazaang zor bu tein, rocar bu te zongin panh tialmaal kha a si, sihmanhsehlaw nunnak phaknak lam a si, zumtu hna nih celhlo bute le ngaihlah bu tein nifate kan nunnak ah Bawipa nih nun a kan pekmi a kan hlanhmi kan hmannak ah vawlei thil le sunparnak, nuamhnak ti bantuk hna cu thlah sianlo bu tein thlah pah le kal tak in kan Bawipa cross .mah vailamtah I put in Jesuh hnu zul kha kutka bi lei  panh tialmaal I kawltung lei tlik cu a si.

+++