Dawtnak Nihcun A Rak Zohkhenh Huamtu Le A Tuammuai Huamtu A Kawl Tawn( nungak & tlangvaal caah)

photo: lai nungak dawh Ahoi

Fahnak tampi na ka pek ka theih ko, huat duh ahcun huatnak ding tampi a lam a um ko, na ka tuahto ning hi a theilo ka si lo ka theih ko.

Nain kan dawt kan duhtuk ve ruangah kan hua siang lo I, ka lung na father mi zong I theihter lo tein ka tuar hramhram ko.

Ziah mah tiangtiang bu ah na ka kal tak khawh ee, na thei lo maw si tiah na theih ko, cucaah keimah bantuk an daw taktak tu hi na tong ti lo kho men, tha tein khua ruatta dawtmi.

Kan dawtnak hi naa hmuhter duhlo maw si? Naa theihter duh lo dah si, na hna na cheh kanh dah si? Dawtu hna an umning dan cu na theihthiam lo ding cu ka zum lo.

Tha tein ruat ta hmanh na ngaihchih te khawhmi dakkaw a si, cu ti I na ngaihchih tik ah cun lam hlapi ah ka rak um cang lai dakkaw.

Apoituk ti ko aa tong lo ding kan rak I tong i, a rak I thei lo ding le a rak I hmu lo ding kan I hmu kan I ton hi apoi tuk ti ko.

Kan ngaiin kan hlam lo in ti ninglaw, lih ka chim a si hnga,nain cucu na theih I a ka ngai ve lomi le a ka hlam ve lomi ngaih len le hlam len cu ka caah zeihmanh santlaihnak a um ti lo cu ta, cucaah ka can tawk te ahhin ka lung a awi ko ka lungsak ko ee.

Si ee kei cu ho duhdawttu hmanh ka ton lo zongah poilo ee, nangmah he kan rak I ton hi ka lungsak tuk ko a ruang cu duhdawtnak tampi na ka theihter caah zeitik hmanh ah ka ngaihchih bal lailo, duhdawtnak sullam le a sunglawi zia na ka theihter caah le phiatmi si aharning le a fahning, aa duhdaw mi si a nuamhning le a thlumning tiangin na ka theihter caah I chirnak ding a um lo, duhdawtnak ah ka mit a ka au ter tu na si.

photo: Ahoi

Kei nihhin ka thinlung le duhnak dawtnak ka ngeihmi kan pe dih lo dara, na caah ka thinlung le ka tak pum tiangin ka rak in pe lo maw, kha kan pekmi dawtnak kha nangnih zeitindah na cawm ve? Zeitindah na zohkhenh ve  kei nihcun dawtmi pakhat te lawng ka ngei cucu nangmah na si, cu ka dawtmi cu ka thinlung dawtnak vialte cu ka pek, nain cu ka pekmi dawtnak le thinlung hna cu rak cawm le zohkhenh tuamhlom a hlawhlo I a tong ve ti lo, cucaah dawtnak cu a cawm huam lomi le a zohkhenh huam lomi sinah cun saupi a um huam ve ti lo I, a rak zohkhenh huamtu le a cawm huamtu, a tuammuai huamtu ding a kawl ve cang ko lai.

+++