Sian Lo Bu Tein Na Liamsia Herh Hrim Hlah( Nungak & tlangvaal caah )

photo: lai nungak dawh Ahoi

Ka lungfah dingmi ruat bak loin na ka kal tak a si ahcun, na muihmai dawh cu midang caah a si cang lai I, na nuamhpi mi aa dang cang lai cuti I midang sin I na nuamh lio ka rak hmuh ve tik ah ka caah zeitlukin dah a fah lai na ka ruahpiak ve bak lo.

Zeitik hmanhah nangmah loin ka tleilo ka um kho lo tiin ka pongah a rak um zungzal mi le umhar lilen caan zong theilo in a rak ka chawn I bia a ka ruah tawntu nih khan midang caah caan na vun hman cang ding ka vun ruah ah ka tuar kho lo.

A ka hlam tawntu le a ka herh tawntu, keimah tello in a um kholo I ka pongte ah a rak um peng I, chikkhat karte I hmuhlo hmanhah a um kholo I a rak chawn peng I a ka call pengtu kha, midang ca I caan na vun hman cang lai ding ka ruah ah ka tuar kho lo ee.

Ka pongte I na um ko bu ah a ka ngai cemmi na si kha, vawlei ka nunchan asi mi tluk I kan chiahmi nangmah he zungzal ca I vun in then lai le vun I thlah lai cu zeitindah celh seh na ka ti, zeipaoh a si ah ka ta si dingin cung Pathian nih an ser lo caah si ko lai siang lo bu tein na lawmh zungzal ding kan duhpiak ka caah cun a tuarzia thiam a har ko ka celh ve lo zeicatiah ka lawmhnak pei na si cu.

Na mui hmuh caan ah thinlung a thar than te lai I, kan nunhlun ruat than in lunglen le lilen dah ti lo cu kei ka co dingmi cu a um ti lailo, poituk ee ka nun te hi.

Cucaah mi nih mi van tha a ka titu um hmanh hna hlah seh, midang nakin dawh cungcuang deuh le tha deuhmi tiin chimmi si ve hmanh hlah usihlaw, kei nihcun nangmah kan ton hi mi vanthabik ah kai ruah I ka lungawi in ka lawm tuk ko midang van ka hai hrimhrim lo.

Kei ka caah cun mi cungcuang na si, hohmanh nih an in tluk lo hmailei zongah an in tluk hlei lailo.

photo: lai nungak dawh Ahoi

Cucaah mah hi na theih pengding ah ka duh, midang tampi lakah kan thimmi na si, ka caah cun van arfi ceu na si, zeitik caan paoh ah, koika hmun paoh ah na si zungzal lai, ka caah cun a tha bikmi na peng ko lai, hmunkhat ah um ti kho ti hmanh hlah usih law, ka caah cun hi vawlei cungah nangmah bantuk mi tha an um ti lailo, na liam sia ka herh duh hlah law, na umnak hmun ah lunglawm tein na um nak lai duhsaknak kan pek, byebye kun law.

+++