Bia Siaherh Tete Rak Rel Nolh

Na rit lio ah na duh paoh in bia khiah nak ser hlah law, na lawmhtuk lio zong ah bia kam nak va ser colh hlah ti a si.

Midang nun na zoh i na ke kar na hlan a si ah cun na chuih na pah peng ko lai, na kalnak hmai lei kha tha te na zoh a si ahcun na timh nak hmuh tluang te in na phan kho ko lai ti a si.

I tangphah nak nun kan tlakcham tuk ruangah, deihnak ding caan zong ah kan dai kho lo I, kan au kan khuan tawn lengmang i,cu nih cun nu le va/chungkhar khrihfabu chungah buainak a chuak ter tawn , a hnu ah ngaktah buangro a um ter tawn i. unau rem lonak ,bu thencheu nak a um lengmang nak a si ti a si

 Micung ah bia ka thlum i sum hlah, mirum le sifak thleidang hna hlah law, cuticun na lamhnak paoh cu na ram a si ko lai.

Mah santleih lo nak i theih hi, mi caah mi santlai si nak a si ti a si.

Midang cung i mah thinlung na put a si ah cun na vuivai ballai lo ti a si.(ka caah zeidah a ka tuahpiak lai ti nak in a caah zeidah ka tuahpiak khawh lai). timi lungput hi a si.

+++