Genesis le Biathlam

Zumtu hna kan Baibal ah Genesis hi a hramthoknak,a pakhatnak asi, Biathlam hi Kan Baibal ah a donghnak a kharnak a si ve, Gennesis le Biathlam a khah nak tete van zoh ta hna si law.

 

Genesis le Biathlam karlak hi kum a thongin a raumi a si I, cu tluk kum a thong i a hlat hnu i an tialmi an i khahnak zawn tete le.an i lawhnak zawn tete.tlawmte van langhter ta usih law.

1.Genesis ahcun sernak kongin ahram a thok.(Gen.1,2) Biathlam ahcun "Atu cu thil vialte kha a thar in ka ser dih cang hna"tiin a tlang a van kawm piak ve.(Biathlam 21:5)

 2.Genesis ahcun setan cu rul in i langh in minung hna cu a hlennak hna kong a kan chimh i.(Gen.3) Biathlam ahcun Setan cu caantawi te lawng a ngeih cangnak kong a van kan phuanpiak.(Biathlam 12:12)

3.Genesis ahcun "Pathian nih van le vawlei a sernak kong a kan chimh i.(Gen 1:1) Biathlam ahcun "khi hnuah van thar le vawlei thar kha ka hmuh hna, van hmasa le vawlei hmasa kha an lo cang, tiin a kan chimh ve (Biathlam 21:1)

4.Genesis ahcun Pathian nih vawlei ah Eden dum a sernak a kan chimh i.(Gen 2:8) Biathlam nihcun Eden thar konglam a kan chimh Eden thar cu Jerusalem thar tiah a ti, hi vawlei Eden dum kha cu sualnak nih minung a hrawhnak hmun a si I, Van Eden/Jerusalem thar belte ahcun sualnak um ti lo I, thihnak zong a um ti lo nak a si ti ah a kan chim ve.(Biathlam 2:1-40

5.Genesis ahcun "Nu le nangmah cu nan i rallai i na tefa le nutefa cu ral an si lai.Mi nih na lu kha rial an i zuam lai "tiin Jesuh khrih a rah chuak lai dingkha a kan chimh i.(Gen 3:15) Biathlam nihcun "Pathian umnak inn cu minunghna sinah a um cang, anmah sinah cun a um cang"tiin Jesuhkhrih cu a zumtu hna sinah a um nak a kan chimh (Biathlam 21:3) cu lawngsi loin a rah ratthannak ding, caan tlawmpal te lawng aa duhnak kongzong a kan chimh chih (Biathlam 21:12)

“Jesuh nih Lam le Biatak le Nunnak cu keimah hi ka si ati”( John 14:6)

+++