Sunday, 4 June 2017

What A Friend We Have In Jesus Hla A Rah Chuah Ning Le A Phuahtu Pa A Tuanbia Tawi


Joseph M.Scriven hi Irish mi asi(1819-1896), kum 25 asi lioah adawt taktakmi he i umh dingin aa timhtuah liopi ah, an i umh dingmi ni le thla a phak lai te ah a nupi ding a nungaknu nihcun athihtak. 
 
Joseph hrangah cun khua ci a mui, a van a sang, a in tuar ning a har ngaingai, Thinlung hliamhma a tuar cuamah mi Joseph nihcun a umnak hmun le ram chuah takin, thazaang hriim than dingin canada ram lei cu a panh, cuti cun canada ram ahcun sianginn saya tuan in nun a hmang, cu ti i caan nuam tein a hman lio ahcun Eliza Roche,(a sianghngakchianu I sahlawh cingla asimi)pakhat he an i tong i, an I Thei than an i ngamh tlak ngaingai I a hnu ahcun a dawt zong an van i daw ngaingai cang, cuti i an si hnu cun i umh dingin khua an khang i, nain caan tlawmpal hnu ah Joseph nih a rah i ruahchan i a mitthlam saduhthahnak nganpi a rah ngeihmi chunmang cu zeihmanh lo asi than hui, cu tlawmpal ah a nupi ding Eliza cu fak ngaiin a zaw I a thihtak than, Joseph nih a tonmi thil hi von i tonter ve usihlaw  vawleicung ah nunchan ngei lo ah kan i ruah cio ko hna lai dah.


minung sinak in tuar a har ngaingai mi asi, nain Pathian a zumhnak le a rah i hngahnak hi afeh caah beidon, lungdongnak, ngaihchiatnak, minmei a zelh liopi le lungfahnak horkuang a zawhmi chungin cunglei a panh I, teinak a hmuh kan ti lo kho lo hi pa nun hi.

A dawtukmi Eliza zongnih a thihtak hnu ahcun, cachimh rian cu a chuahtak than I, plymouth Brethren ah a lut I, Baptist khrihfabu ah, a nunnak le a caan pek dih aa tim cang, cuticun Nupi ngeih ding cu a mertak I a nunnak, a caan, a chawva, a thil ri vialte hna cu sifak, retheimi hna a phawt hna i a phaknak, a kalnak paoh ah.Thawngtha chim in a caan cu a hman.

A dawtmi Eliza a zawt lio, a kuah lio hrawngah, an ram an khua Ireland ia ummi a nu a dam lonak thawng a rah theih than, awl zang tein va kal khawh I tlawn khawh a si lo caah, Joseph nihcun a nu cu ca a kuat I cu a cakuat ahcun anu hnemhnak ca a tial pin ah, atu a hla phuahmi,(poem)biazai in Bawi Jesuh kan hawi tha nih, (What a friend we have in Jesus) ti a telh chih. Kum tampi hnuah Joseph cu fak ngaiin a zaw i, cu a damlo lio ahcun a hawi pakhat nih a va zoh i, cu a zohtu a hawipa nihcun a hla bia hna cu a zoh hna i cu a hla phanmi hna cu a tha tukin a hmuh hna cu lakah cun a tu, what a friend we have Jesus, zong hi a rah i tel ve a rah zohtu a hawipa cehkhennak thawng le a nu sin i biazai a rah tialmi a kuatmi chungin,kum 30 a liam hnu ah, hla cu cauk pakhat 'Hymns and Other Verses'tiin rah chuah.

Mah hnu tlawmpal ahcun musician a thiam ngaimi Charles C.Converse (1834-1908)kum ah a aw Solfa an bunh I hla tha le music dawhtukmi ah a rah chuahnak asi. musician,revivalist a simi Ira D.Sankey (1840-1908)kum hnaah,cun 1875 ah khan hi hla hi sak atam bikmi, Sankey's Gospel Hymns Number ( 1 )a rah si bal.

Joseph Scriven thih hnuah, Joseph nih port Hope, Ontario, Canada i mipi a rah hruaimi hna nihcun, amah philh lonak caah monument antuah i, harsatnak le retheih, ngaihchiatnak, tampi a rah tuarnak caan chungin hawitha Jesuh khrih a ngeihmi cu a fiangtuk I abochan ngam I Bawipa ah aa hngat ngam, cu abochanmi Bawipa he harsatnak tampi tlanglak/pem lakin a pah khawh, amah cu thi cang hmah sehlaw hi hla kan sakchung paoh ahcun kan thinlung ah a nung peng rih ko tiah an ti.

https://www.youtube.com/watch?v=3R_mal7hAu0

+++

No comments:

Post a Comment