Zalonnak

Deuteronomi 11:26 “ Zohmanh nihin ah hin nan hmaiah thluachuahnak le chiatserhnak ka chiah.27,nihin i nawl kan pekmi hna Bawipa nawlbia hna cu nan zulh ahcun thluachuaknak a si lai ”

Pathian nih minung sinah zalonnak,duhthim khawhnak a kan pekmi hi a sunglawi bikmi a si ti sihlaw, kan chim sual lem lailo cu Pathian pekmi zalonnak cu ram tthangchomi ko hna nihhin an sunsak i biapi tuk ah an chiah caah a hmang sualmi tampi zong um asi, zumtu hna kan Bible zongah tu kan relmi Bible cang zongah, Isreal mi hna zong kha Pathian nih hramhram in a um ter hna lo i hramhram in a fial hna lo, an duhthimnak a zoh ve ti cu a lang.

 Nai ah khan kan tial cang I Pathian nih mivial te hi khamhnak co ding ah a timh lio ah, setan zong nih mivial tehi hell tla ding ah a timh ve ti kan tial cang, mah cukar lak ah cun a ummi minung kan si kanmah duhthimnak a biapi tuk ti nak asi , cu Pathian pekmi duhthimnak zalonnak a kan pekmi cun, Pathian cu kanmah duh tein kan i thim i a nawl kan zulh tik ah , ai lawmh khun  kan ti khawh lai , forh chom le fial chom si ti lo in mah duh thimnak tein kan zulh tikah mah cu kan duh taktak, kan dawt taktak ti zong a langhnak a si zumtu hna zong nifa kan nunnak ah thil fate in a si ah, thil ngan a si ah, unau, chungkhar sin kan um ah, aleng hawikawm sin kan um ah, azei kan ti nak ah, kan um kan kalnak ah, kan thutdirnak ah, kanmah duhthimnak lawng te asi, mah duhthimnak zalonnak cu nifa tein kan nunnak ah kan hman sual lo a biapi tuk, duhthimnak hman i palh sual hlah usih, mah cu minung zalonnak Pathian nih a kan pekmi a si caah kanmah zalonnak, duhthim khawhnak tein kan min a tha kho i, kan thang a chia kho cu lakah a ummi kan si caah duhthim dan a thiammi si i zuam cio ko hna usih, thluachuahnak le chiatserhnak hna zong hi kanmah duhthimnak ah a um ti nak a si cu.

+++