Na Nungak Cu ( Tlangval Caah )

Na nungak cu a biachim tha tein ngaih piak theu tawn.

A nuamh lo I a lungawi lo caanah nihchuak capo seih piakin a lungawi ter tawn.

A thinhun caan ah dai tein a chimmi ngaih piak tawn.

A tah/mitthli tlak tikah kup law na duhdawt khunnak bia kha chim than lengmang.

Midang sin I na thutto tikah a min chim ve lengmang.

Na hawi le sin na um zongah na philh lonak, langhternak ah na ngaihnak bia chim tawn.

Nu nihcun kan duh kan dawt ati lengmangmi nak in, a kan care/ngaihsak I a kan dawtu hi kan herh deuh hna an ti.

Na busy lio caan zongah a caah caan a pe khomi na si nak kha theih ter lengmang, nain mi hna hnawhtu si cu an duhmi a si ve hrim lo ti kha theih piak.

Thil fate I na ruahmi kha a lunglawmh ter khotu a si ti kha philh hlah law.

Cu bantukin bia kakhat te zeiah a ruat lailo na ti mi kha a caah, lungfahnak, le a mitthli a tlak ter khotu a si ti zong philh fawn hlah, aruang cu Nu an si caah a si a tthawngmi zong an si I a derthawmmi zong an si.

Raltha ngaimi sihmanh hna sehlaw, tihphannak in a khatmi an si, a temtuar kho ngaimi sihmanh hna sehlaw, bia kakhat hnih men ah a lungkuai I mitthli tlak fawimi an si.

Daw law dehcawh in namnet hlah, nangmah kha a thinlung vialte a burh I an bochanmi a si.

+++