Hlanchan Le Tuchan

Hlan ahcun nungak a ngei tam le,a ihpi tammi poah hi zohsan le pasal tha tiin uar an rah si tawn, nain tuchan ahcun nungak a thianhlimnak,a virginity a kilveng piaktu le a huhphenh piaktu, kan far le cawisang thiamtu hna poah hi zohsan le uar an si ve cang.

Hlanchan ahcun, lovah tthawngmi le ,buhcil chakmi, sakap kho mi paoh kha pasal caah rak thim le rak zoh a si,nain tuchan ahcun piangtharmi le ramdang phan kho, catang sang mi le chawva lahkhah tha paoh kha pasal caah thim le zoh si ve cang.

Amui Ah Duhnunnak Um Lo I Vawlei Nih A Hlawt I Zeiah An Rel Lomi Mi Fapa Cu

Leileh le tlanglo kaupi zong a ngei lo, nga kaan le tidil zong a ngeimi a si lo nain, a herh caan ah mipi thong 5/4 hna cu ngasa hen rawl a dangh mei ko hna.

Karpet zong a ngei lo I aa bunh lo nain ticung ah a ke in a hei kal salam mei ko.

Ca zong a cawng lo I, koika university/ college le Bible sianginn  hmanh ah degree a la ve lo nain, mipi nih cawnpiaktu saya tiah an auh.

Sibawi zong a si lo I, doctor, silei cawnnak le degree zong a ngeilo I a la lo I a cawng lo nain, mipi nih damtertu tiah an ti.

Ngandamnak Lei Ah Doctor Line Phunphun ( theihtlei )

1.Psychiatrist-thinlung lei or mental lei .

2.Podiatrist- ke lei.

3.Optometrist-Mit lei.

4.Dentist- Ha lei.

5.Urologist- phin ( Bladder )lei.

Nihsawhnak Na Ton Tik Ah Na Lungfak Tawn Maw?

Nalung an fahter tu cunga,va lehrulh si loin lawmhnak bia tu va chim deuh zeicahtiah cun na lungfahnak kha na tuar khawh ko lungfahnak an pekmi nihkhan an tei loti langhter nak caah.

Nangmah an hlawtu le,hnulei an chittu sinah cun lawmhnak bia va chim,zeicahtiah cun zaalawng te in um hi zeitluk in dah a that i a nuamh ti a theihnak caah.

Nangmah an huatu an um a si ahcun, an cungah lawmhnak biatu va chim deuh, zeicahtiah cun nangmah an dawtu le an tlaihchantu hna kha tlaihchan chinchinnak le dawt chinchinnak caan tha an ngeiter deuh ti nak asi.

Chungkhar Ah Nupi Le Rian Le Dirhmun

Na dirhmun atha I, a nungcang khomi chungkhar in hrinmi na si zongah, catang sang I degree sang ngeimi na si I rian sang atlai I a tuanmi na si zongah, na pasal cu zoh niam in nihsawh ding asi lo ti kha na theih awk a si.

1.Na pasal cu Pathian nih thluachuah a pek caah nang zong, kha Nu, cu Nu tiah auh khawhmi ceo na si ve kha.

2.Na pasal cu zeibantuk rian atuanmi le, zeibantuk dirhmun I a ummi asi hmanh ah, zohniam in zeirel loin um hrimhrim hlah, aruang cu pasal le kuttang ah a ummi na si na lu cu na pasal kha a si ko, cu si lo I na pasal kha zeirel lole nihsawh, na thlanglamh a si ahcun cuti na pasal na thlanglamh rualrual khan na pasal nak niam ah na um ti kha na theih ding asi, na pasal na nihsawh lio ah khan, mi nih an rak in nihsawh ve ti kha theih ding, a dirhmun a that lo I a tlak deuh I a thachiat deuh i, a lungrawh deuh a si hmanh ah, nangmah kha amah bawmchantu dingah pumkhat si termi nan si I Pathian nih fawnhmi nan si kha philh hlah a thachiatnak le a chambaunak , a dirhmun a that lonak ah nangmah nih na bawmh dingtu a si.

Harsatnak,Temtuarnak Hmunah Pathian Minung Hna An Dirhmun

1.Moses cu sualnak chung i caantawite chung i nuamh nakin Pathian mi hna sin I sifah in kha aa thim deuh.( Heb 11:25-26 )

2.Job cu a ngeihmi thil vialte a sungdih, zatlak puicimh faktuk a ton hnu le a toro in a thut hnu hmanh ah, Pathian sinah a phun zai lo.( Job 1:20-21 )

Forhfialnak Bia Tete Hna

Mi sifak le rethei hna sin ah nga pa 3 ei ding na pek hna a si ah cun Ni tlawmpal ah an ei dih lai i a dih ko lai, Sihmanhsehlaw nga tleih dan na cawnpiak a si ah cun a nunchung in a mah tein ei ding a hmuh khawh lai ti a si.(Chinese proverh )

Lianngan ciocio ah zeidah a lianngan deuh? lianngan taktakin phu ahlam khomi si nakin, mi aNgaithiam khotu si hi a lianngan deuh ee ti si.

Mi a bawmchan kho mi si hi, vawlei cungah thil sunglawi bik pakhat a si ve.ti a si.

Zeitindah Kan Hlawhtlin Khawh Lai

Kan chambaunak/tlamtlinlo nak zawnte hi kan hman thiam a si ah cun mifim tak kan si ti nak a sic un hlawhtlinnak zong a si.

Kan ngamhmi hna le kan teimi hna zawmteih le thlanglamh a hmangmi hna hi, mi ralchia hna um dan a si ti a si.

Sual nih ngamh dingin um hlah, sualnak cu thatnak in tei i zuam .(pual)

Justice/sihni le lem suai thiam mi hna lawng nih, thil dum zong thil rang/var ah an cang ter khawh.ti a si.

Nuamhnak Kan Timi Hi

Minung nih kan nunchungah kan kawl lengmangmi hi nuamhnak a si, nuamh a duh bak mi kan si, cu nuamhnak cu mirum,sifak,retheih,muidawh,dawhlo,asang,aniam,a ngo,anak,zong nih kawl cio a si,hetchatlaw tiin nilin lak le ruahsur lak,a kik,alum a har zong tuar in rian kan tuan mi vialte hna zong hi ruah tik ah a muru cu nuamh duhah a si ko,culakah a bikin nuamh a duhmi hna cu Nu ko hi an si.

Fim cu a tha,fimnak nih nuamhnak a chuahpi.

Kutka Bi Ah Lut Uh

Matthai 7:13-14 “kutka bik chungah cun lut tuah u,zeitin tiah hell ah a kalmi lam cu a kau I a fawi I mi tampi nih an zulh,14 nunnak a phan mi lam cu a har I a kutka a bi I a hmumi cu tlawmte lawng an si.

Tu kanchan ah a lar ngaingai mi pakhat cu( it’s my life) ti hi a si, asullam cu ka nun a si, keimah ka nunte a si ti khi a si ko, keimah cungah hohmanh nih nawl nan ka ngeih kho lo keimah nun cu keimah nih a nuam a tha ka ti ningin ka hman lai ka cungah hohmanh rak I thlak hlah uh keimah nawl te a si keimah nun keimah nih hman awk ah zalonnak ka ngei ti khi a si ko.

Dawtnak Nihcun A Rak Zohkhenh Huamtu Le A Tuammuai Huamtu A Kawl Tawn( nungak & tlangvaal caah)

photo: lai nungak dawh Ahoi

Fahnak tampi na ka pek ka theih ko, huat duh ahcun huatnak ding tampi a lam a um ko, na ka tuahto ning hi a theilo ka si lo ka theih ko.

Nain kan dawt kan duhtuk ve ruangah kan hua siang lo I, ka lung na father mi zong I theihter lo tein ka tuar hramhram ko.

Ziah mah tiangtiang bu ah na ka kal tak khawh ee, na thei lo maw si tiah na theih ko, cucaah keimah bantuk an daw taktak tu hi na tong ti lo kho men, tha tein khua ruatta dawtmi.

Kan dawtnak hi naa hmuhter duhlo maw si? Naa theihter duh lo dah si, na hna na cheh kanh dah si? Dawtu hna an umning dan cu na theihthiam lo ding cu ka zum lo.

Tha tein ruat ta hmanh na ngaihchih te khawhmi dakkaw a si, cu ti I na ngaihchih tik ah cun lam hlapi ah ka rak um cang lai dakkaw.

Ka nuamhnak na si ( a duhmi Nungak & tlangvaal caah )

Midang nakin biapi deuh ah na ka chiahmi ahhin kaa nuam tuk.

Ka pongte ah hnangam tein na um ahhin, kaa nuam kho tuk.

Midang hmaiah ka kutte na tlaih I na kal ahhin ka rak I nuam kho tuk.

Mi tampi hmai ah na care nak na langhter ahhin, ka nuam taktak khi a si.

Sian Lo Bu Tein Na Liamsia Herh Hrim Hlah( Nungak & tlangvaal caah )

photo: lai nungak dawh Ahoi

Ka lungfah dingmi ruat bak loin na ka kal tak a si ahcun, na muihmai dawh cu midang caah a si cang lai I, na nuamhpi mi aa dang cang lai cuti I midang sin I na nuamh lio ka rak hmuh ve tik ah ka caah zeitlukin dah a fah lai na ka ruahpiak ve bak lo.

Zeitik hmanhah nangmah loin ka tleilo ka um kho lo tiin ka pongah a rak um zungzal mi le umhar lilen caan zong theilo in a rak ka chawn I bia a ka ruah tawntu nih khan midang caah caan na vun hman cang ding ka vun ruah ah ka tuar kho lo.

A ka hlam tawntu le a ka herh tawntu, keimah tello in a um kholo I ka pongte ah a rak um peng I, chikkhat karte I hmuhlo hmanhah a um kholo I a rak chawn peng I a ka call pengtu kha, midang ca I caan na vun hman cang lai ding ka ruah ah ka tuar kho lo ee.

Zeiruang Ahdah Ngaktah Buangro Hna Hi Kan Dawt Khun Hna Lai

Kan unau lakah maw? kan hawikawm lakah maw? kan pongkiangkap ah maw?  ngaktah buangro an um maw?

1.Ngaktah hawikawmh na ngeih I na pong kiangkap hna I an um asi ahcun, zohniam in zohchuk hrimhrim hna hlah zeirel lole nihsawh in thlanglamh hna hlah, ngaktah buangro sinak dingah hin, minute pakhat hi a za tuk ti kha kan philh lo ding a si, cucaah na pong I ngaktah an um ahcun a si khawh chungin dawt khawh I zuam hna, ngaktah buangro hna hi hawisin i an um ve tik ah an mui ahcun aa nuam ngai dingin lang hmanh hna sehlaw, an chunglei nun cu a tap peng an ngaihchia peng ti kha theih ding si hawi bantukin an I lawm kho taktak  lo.

Chuak Than Colh Dingin Ka Thinlung Ah Rak Lut Hlah (Nungak Caah)

pic: lai nungak dawh Ahoi

Ahlan bantukin kan dawt tilo  asi zongah, rak ka mawhchiat hlah mu,duhlo dingin na tuah hmasa caah a si kha rak thei peng.

Na ka ngai i,kan ngaih ve tilo asi zong ah,rak ka mawhchiat hin hlah mu,nangmah nih a hlan bantukin na ka ngaihsak tilo ruangah a si kha philh hlah.

Kan herh hlei ve tilo asi zongah,rak ka mawhchiat hlah mu,kan herh lio bik caanah na rak ka kaltak kha.

padang kutzatial tlaihin,tlangval hnu ka zulh asi zongah,rak ka mawhchiat ti hlah mu,duhnak le bochannak tehe na kut ka tlaihmi nangmah nih na hlawt hmasa a si kha.

Lainu pawl Nih An Thinh Khawh Bak Lomi An Zia Cheukhat Pawl

photo: lai nungak dawh Ahoi

1.Nu nih biatam deuh a chim paoh a si ahcun, mi a hnursuan sual zungzal tawn.

2.Nu cu sipsep tiah a zai a si ahcun, pakhatkhat cungah a zai tawn.

3.Nu nih biathli an thup kho ballo, biathli an I thutpi kholo ti si,amah biathli hmanh athup kho baklo ti si mi pakhatkhat theihpitu aa ngeih theo tawn ti si.

4.Nu cu ca zimziam tein, ningzah pang ngaimi bantuk tein lang hmahsehlaw, an duhnak cangah cun ningzah le zahlo an thei tawnlo ti si.

Nu Phun 3

Na dawt khawh lo hmanh ah, fahnak petu cu va si hlah.

Na nuamhter khawh lo hmanh ah, thazaang petu tal va si.

Na nih ter khawh lo hmanh ah, lungkuai tertu va si hlah.

Na ngaihthiam khawh lo a si hmanh ah, dai tein a um kho mi va si.

A mitthli a hnawh piaktu na si khawh lo hmanh ah, mithli a tlakter chintu va si hlah.

Zeiruangah Dah Biakin Thengte Ah Kalin Bawipa Cu Kan Thangthat Lai

Mi tampi nih kan ti tawnmi cu biakinn theng kal cu a hau lem hme maw, biakinn taktak tham cu kanmah mi pum hi pei kan si ko cu, kan inntang te zong in, live in an thlahmi thawngtha chim le, thangthatnak program ahcun i tel khawh a si ve ko cu teh,kan lung tak tein youtube le messenger in live in anthlahmi kan ngaihmi zong thangthat a si ve ko cu teh, Pathian cu thinlung a zohtu pei a si ko cu tiah kan ti theo tawn, mah cu a dikmi a lo ngai nain a diklo.

Kan Thatnak A Kan Hmuhpiak Thiammi Hna Hi A Kan Dawttu Taktak Cu An Si

Na santlaihnak a hmu kho lo mi le na felnak,a hmu kholo mi cu,mi tha mi fel a si ve hlei lo ti nak a si.

Nain na felnak le na santlaihnak zawnte a hmu thiammi le a chiam thiammi nihcun mi tha le mifel zoh in an zoh ti nak a si.

vawleicung minung vialte hi hohmanh mifel tlamtling le,mitha tlamtling kan um lo caah. zeibantuk minung hmanh khi nangmah nih na zoh ning le, na kawmh ningin mifel le mitha,misual ah aa cang kho ti a si.

Na lawmhnak a tling khawhnak dingah, zei lam poah zul law kal ko hmanh, Pathian sin dah ti lo ahcun lawmhnak tlamtling na hmu kho hrimhrim lai lo.

Nungak Le Pasal Ngei Cangmi Nupi Le Nih Kan Theih AHerh Bakmi Chungkhar Zohkhenh Ning

An ka duh ve I ka ton ko a si ahcun va/pasal cu ka ngei ve hrimhrim ko lai tiah aa ti mi, nungak pawl nih khan kan theih a herh bakmi a si, cun  pasal ngei cia zong nih a hman bak in hman colh dingmi a si, nupi le nih innchungkhar zoh khenh ning le hruai ning deuh a si, nupi le hi innchungkhar mawngtu  (driver) nan si caah a herh khun mi a si.

1.Pasal ngei cangmi na si ahcun, na pasal cu na care bak ding a si, na ngaihsak bak ding a si.

2.Pasal le va le chungkhat/sahlawh na funtom khawh hna lo a si hmanh ah, athenthek tu si lo bak ding.

Zumtu Nun Ah Thlacam Daithlan Tlukin A Poimi A Um Ti Lo

Thlacam cu Pathian he kan ichawnh khawhnak lam a ummi hnihchun te a si, thlacam cu Pathian he mit hmuh lo in I kawmh a si, thlacam cu Pathian he bia I ruah biazaphai tti a si,thlacam cu Pathian sinin biathli kan theih khawhnak lam a ummi hnihchun a si, thlacam cu Pathian thinlung, ruahnak, duhmi ngalh khawhnak lam a ummi hnihchun te a si, thlacam cu zumtu hna nih Pathian sinin thlarau thazaang kan laknak hrampi a si.

Dawtnak Cu Pek Nun A Si

I hmai zahnak um lo ah cun, i dawtnak zong um kho ve lo, an I daw maw? Dawlo ti tahnak pakhat cu an I hmaizah maw? Zahlo, an I upat maw? Tiah a si.

Minung nih a nunnak a hloh a si ah cun, zeizongte a hloh a si cucaah nunthar kanngeih khawh thannak ding caah Bawi Jesuh kan panh than ahau.

Mitthli tlaknak le ttah timi hi kan thazaang a der ruang ah a si lo, nu powchung kan chuak ka tein kan nung ti langh ter nak tu a si.

Mi nihcun kan konglam tha mi ah  lungawtawm in an um I, kan konglam tha lo mi cu a ran khawh chungin an zumh colh fawn.

Christmas Kan Naih Cuahmah Hui Cang Ko

Mitthep karah khawsik thla cu kan phan manh hawi ko.

Duhsah tein x,mass boruak nih kan thinlung a vun kan hliphlau ter cuahmah hawi cang ko.

Kawp ngei lo single caah khuasik cu mah lawngin tuar a har canglai, mah caah kawp a kawlmi, hnakruh a kawlmi caah, ( muidawh hi antha, zoh zongah mittha a dam,an sung in an lawi fawn,nain muidawh poahpoah hi nupi tha an si dih lemlo ti cu chim hau lo in nan theih dih cio ko kha, muidawh tung i lungput,ziaza nuncan tha lo angei mi hna pawl hi, pa harsatnak,ngaihchiatnak,mithli tlaknak,innchungkhar buaitertu le,chungkhar thehdarhtertu an si tawn,mah caah cun khuasik thla ah nangmah lawng i khuasik tuar na duh lo i kawppi na kawl a si ahcun a kawldan thiam,a zoh dan thiam.muidawhnak in a biapi deuhmi cu nuncan dawh,ziaza that hi asi,muidawhnak nihhin cun kan nunchung lunglawmh, lungdaihnak taktak a kan pe kho lo,nain nuncan,ziaza dawh nihcun nunchung lawmhnak,daihnak a pek khawh, muidawh tung thinlung tha tungmi hmuh khawh cu a tha zei he dah aa lawh tiah cun , lo lam tlun pah ah lamkam ah lungvar man sung a char mi a hmuhmi bantuk a si.

Na Nupi Maw?Pasal Maw? Na Nungak Maw? Tlangvaal Maw? Nih Duhmi Dang A Ngeih Le Ngeihlo Theih Khawhnak Lam.

Na nungak nih maw?/tlangvaal nih maw? Na nupi/pasal nih maw? a thli in duhmi dang ngeiin a chawnh tawn, a chat tawn cutikah a umning na zumlo, an I chawnh lio le an I chatnak na tlai kho fawn hna lo a thli in chawnhmi le chatmi a ngei ti cu na theih fawn cucu nu le va, nungak/tlangvaal aa duhmi hna karlak ah a buaitukmi asi tawn, cucaah mah bantukin duhmi dang a ngei ko ti cu zeitindah na theih khawh lai a tanglei ah rak rel.

A Thli In Chawnhmi Le Duhmi An Ngeih Ahcun Mah Bantuk Hin An Um Lai.

1.A phone tongh piak a siang naisai lailo, a phone na tongh piak kho lailo, nu le va, nungak tlangval a duhmi si hmanh.

Sunday (Pathian Ni) Kan Ti Mi Hi (Nimrod)Philh Lo Nak Ni A Rah Si

'Sunday'ti i kan auh mi hi a sullam cu"Ni ni"ti nak a si.(ni) timi nihhin a caan kan relmi suimilam 24 hi a chim duhmi a si,(Sun) hi cu cunglei in a chuakmi/ra mi a si,zarhkhat ni(7)chung i a rah chuak hmasa bik mi hi Ni a bia mi nih cun dinh ni.Ni biak ni ah an hmanmi a si cu ruangah Ni 7 ni hmasa bik Ni cu sunday tiin an auh nak cu a hung si,

Ni an biakmi hi zeitindah a thok ning zoh ta hna sih.

Bc 1800 hlanah khan siangpahrang thawng le a chak tuk mi a rah um, a min cu Nimrod a si amin langhnak hmasa bik cu Sinar ram Babel khua timi le,Erek khua te hna, kalne khua te hna hin asi, hi hnuah hin khua dang pa 4 hrawn a ser chap rih cu khua a sermi lak ahcun tu ah mitam pi nih kan thei mi Jonah i thawngtha a va chimnak Ninevi khua cu a thei lo mi kan um lai lo.

Zeiruangah Dah A Zugnzal In Thla Kan Cam Lai?

Voikhat cu hngakchia pate pakhat nih a putar kha bia a hal ti asi, ka pu zeicahdah thlacam ni thengtheng hi kan ngeih I zeitik nii i thlacam ahhin dah Pathian nih kan thlacammi hi a kan theihpiak lai i a ngaih deuh khun hnga? tiah a hal ti si. a pu nih cun thlacam caan le a nii cu na thih hlan paoh kha asi ko ti ah a leh ti si, hngakchia pa nihcun khuaruahhar ngai khin kan thih nii cu hohmanh nih kan i theih tung lo, a va mak ve tiah a ti ti asi. a putar nihcun a leh i mah caah cun dawh minung hi zeitik caan paoh ah a thi kho kan si, mah caah dawh. tuni, tucaan. zeitik caan poahah Thlacam peng kan herhnak cu asi cu tiah a ti ti asi.

I Ngilh Caan A Si Ti Lo, I Hlau Caan A Si Cang

Rom 13:12-14

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih, Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih, Bawi Jesuh ziaza tu kha i lak u law pumsa duhnak tuah kha ngol u.

Hlawhtlin dingin hmainawr ko law, hlawhcham ding zongin I timtuah cia cun ralthatnak zong ngei.

Na Tangdornak Kha Theithiam Loin An Nihsawh Maw?

Na nupi maw?pasal cungah na tangdor I an ti bantuk tein na leh ve lomi ca dimdiam tein a nawl na ngaih a bia na ngaih piak I a tang teah na dor ruangah khan asung na khan, ti nak a si hrimhrim lo an tei ti nak zong a si hrimlo, na sing bakin an ti le holh awk na thei lo naka an phih ti nak zong a si lo, naa tangdor ruangah na sung cang ti nak zong asi hrimhrim lo, tangdor cu Pathian bia zong nih a kan fialmi a si, Pathian bia na ngaih le na zulh a si, zeicahtiah cun a kan khamhtu Jesuh khrih nun na hrawmpi ti nak tu a si, na tangdor ruangah zawmhteih na tuarmi vialte kha Bawipa nih a theih a theipar na zuun caan a phan te lai.

Zumtu Thlaraumi Cu Titsa Mi A Si Ballo

Miduhhakkau mipaoh nih herhbaumi an ngah,mi nun siangmi hna sinah lunglawmh, hna ngamnak a um ve.

Mah le mah style tuk le, sangtuki i hmuhnak hi tlinlonak hrampi a si.

Mah zawn i ruahtuk cu tlakchiatnak  hrampi a si.

Mi pakhat cu ngasa na pek asi ahcun voikhat powkhimnak men asi, nain nga tlaihdan na cawnpiak a si ahcun a nunchung caah asi.

Dawtnak Sullam Le A Sunglawi Ning Rak Rel Ve

Minung kan sunparnak pakhat vecu mi ngaihthiam awk a tlak lomi kan ngaihthiam khawhnak hna ahhin a si.

zeicatiah cun i ngaihthiam a hau mi minung lawng te kan si,a tlingmi minung kan um lo, ni khatkhat ah ngaihthiam kan herhnak caan a phan ve te lai.

Mi an sualnak nan ngaihthiam hna ahcun kei zong nih nan sualnak kan ngaihthiam ve hna lai,tiah Bible zong nih a chim.

Kan thachiat lio caan te hi, thazang pek kan herh lio caan te cu a si.

Kan Zumhnak A Than Khawhnak Ding Caah

Innkhan a pittukmi le aungkua, thlalangawng a um lomi cu hlan a tong tawn lo I, hohmanh nih kan um duh lo, aruang cu thlalangawng a um lo I a pit, a muih caah a si ko.

Cubantukte cun minung zong ai kharkhumh tukmi le midang caah athinlung a awng lo tukmi hna nihcun hawi le midang an suaisawng kho hna lo I mi an hip kho ve hna lo.

Cucaah na thinlung kha kaupi awng ko, nain thiltha lo aluh hlan ah khar than lengmang.

Hlawhtlinnak Bia Thli

1. Thil pathum kan I nunpi dingmi.

( a ).mahnak upa tihzah/upat thiamnak.

( b ).Pathian leiah I peknak.

( c ).nawlngaihnak.

2.Thil pathum kan uar dingmi.

( a ).zumhtlak sinak, dinnak.

( b ).thianhlimnak.

( c ).teimaknak/teirialnak.

Nungak Cheukhat Zia Le Za Hi Rak Rel Ve

Fb ah mi ka chawn bal tuk hna lo , anti asi ahcun a thli in chawnhcangmi a rah ngei cang ti nak si.

Kei cu midang bantuk ka silo an I ti deuh dih ngawt, nupawl an I khah dihnak cu mah ka zawn ahhin asi, mangtha awh anti hnu le an chim hnuah Fb ah luh zau I midang he hetchat tiah I chat an hmang.

An kawmhngaihmi hna cung ahcun . lihchim anthiam ngai i, afelfai ngaingaimi ah I chim an hmang fawn.

Na chawnh lo ahcun a thinhung lai, na chawnh tuk a si le zeiah an rel lailo , kawmhdan thiam an hau.

Ca A Relmi Miphun Cu An Thangcho Tawn, Rak Rel Ve

#.Mi pakhat lawmhter nak caah, mi pakhat tlamtlin lonak, chambaunak va chim hi kan hman awk a si lo.

#.Chaw le va, ngeih le chiah lawng na zoh a si ah cun na ti sual peng ko lai.

#.Hi vawlei cung mirum minthang hna hi, an rumnak lawng zoh loin zeitlukin dah an rah temtuar le harsatnak an rak tuar timi tu hi kan zohchunh dingmi cu a si.

Dl Moody Nih Papawl/Tlangvaal Pawl Robia A Kan Vuih Ta Mi

1.Uar tu tampi ngeih le nungak tampi ngeih ruangah khan, na luck tuk ti nak a si lo, nu lawnglawng a ruatmi le nungak dehcawh le hlen a hmangmi tu na si.

2.pasal asi bakmi nihcun, a nunchung, chanchung caah nupi pakhat, nungak pakhat lawng a chiah I a ngeih tawn, ( ruah lopi in a nupi nih a thihtak dah ti lo ahcun pakhat lawng diriam tein a ngeih tawn).

3.Na polite tuk ruangah khan, pasal patling na si ti nak a si lo, pasal le patling a si mi nihcun nupi le mah nungak cungah zumh tlak te le, a rian a tuanvo aa theih I a tlinh deuh tawntu asi.

A Hnekhnawh Te Hna Kan I Tlukpi Ne Ah, Zeitindah A Si Khawh Lai

1.Hawi nih an kan thangthatnak le conglomhnak kan i phorhlawtpi i kan i uahfaihpi i  kan I tlukpi ne ah, zeitindah a si khawh lai.

2.Ramdang kan van phan dedek, dollar hna kan van tongh ve dedek, hawi hmuh le hawi phaknak kan van phan ve dedek, phundang chim ahcun thanchonak rim kan van hnim ve dedek le cu hna cu kan i phorhlawtpi i kan i uahpi i kan I tlukpi ne ah, zeitindah a si khawh lai.

3.Nungak nih fb le viber hna ah chawnkhentu le call tu kan vun ngeih deuh mi hna,kan uahpi i kan I tlukpi ne ah zeitindah a si khawh lai.

An Phai Theo Mi Ritnak Zu Cu

Mah tuanbia te hi a tha ngai ka ti I,tuchan mino tampi zong nih thei ve hna usihlaw, thathnemnak a um pam ah tiah saduhthahnak he rak telh ve.

Munghal Emperor lio ahkhan mi lianngan bawi pakhat a um cucu amin ah, Akbar ti a si, Akbar nihcun a kuttangmi bawi ruahnak cheutu mifim ngaingai pakhat aa ngeih ve I, amin ah Raja Birbal ti asi, nikhat cu Akbar nihcun a kuttangmi mifim ai bochanmi pa Raja Birbal cu bia ahal ti si, Zu a that lonak hi pathum in chim tuah tiah a ti ti si, Raja Birbal nih cun aa thawh I mah ti hin zu a that lonak cu a chimh.

1.ZU DINGMI CU AN SAM A PAR HMANH BALLO.

2.ZU DINGMI CU UICO NIH A SEH BAL HNA LO.

3.MIFIR NIH ZU DINGMI HNA THIL CU AN FIR BALLO.

Tlangvaal Nih Kan Theih A Herh Bak Mi

Na uar mi nungak kha na lentuk a si ah cun, an nenglai ti a si nain, lenglo in sau deuh na um a si ah cun na uahtuk an ti lai ti a si.

Na duhnak bia na chimhtuk a si ah cun, zeiah an rel lai lo ti a si na chimh lo tuk a si ah cun a lungawi fawn lai lo ti a si.

Na conglomh i na fak deuh a si ah cun, na ka (bawl/capo) an ti lai I, na fak lo tuk a si le zei ah na ka ruat lo a ti lai ti a si.

Minung Kan Ral Ngan Bik Phun ( 2 )

Minung kan ral ngan bik cu kanmah hi kan si ti cu ahopaoh nih theih dih cio asi, Pathian bia zongah mah le mah I teinak a herhnak kong zong a kan cawnpiak, thlarau theitlai ah aa telmi pakhat zongah achiah.

1.Minung kan ral nganbik cu kanmah kan si.

2.Minung kan ral nganbik cu kan hawikawm tha bik hna an si.

Vawlei cung ral vialte lakah tei a har bik mi ral cu mah le mah I tei hi a si, minung kan I nuam ee, kan I lawm ee kan ti tawnmi zong hi kanmah tuahsernak ah a um tawn, kanmah kan tuahsernak a dik ahcun, kan I lawm I kan tuahsernak a dik lo ahcun, kan ngaih a chia tawn, nuamhnak le nuamhlo nak zong hi a tam u cu, kanmah kut ah a ummi a si, kan nunning adik ah cun lunglawmhnak nih a zulh I, kan nunning a dik lo ahcun ngaihchiatnak nih a zulh ve, nunning dik in kan nun khawhnak ding caah cun Pathian bia nih a kan tining tein zulh le tuah a hau, Pathian bia nih ati mi cu minung sualnak, thurnak cu a chunglei ah a si, lenglei ah a si lo ati, cu kan chunglei nun ruahnak thalo, a thurhnawmmi ruahnak hna cu tei a herhnak cu asi, kan I lawmh khawhnak ding caah chunglei in sualtuah duhnak a kan ngeihtertu hna cu kan tei a hau I cu teinak ding caah thiang thlarau bawmtu a kan peknak zong cu a si. Cu kan chunglei nun kan tei hnu ceo ah thlarau lawmhnak taktak cu co a si tawn, cu chunglei nun tei cu mah le mah tei a timi cu a si.

Innchungkhar Nu Le Va Kar Ah Nuamhnak A Um Khawhnak Dingah

1.Nan thinhun I khat hlah seh, pakhat a thinhun ahcun pakhat cu dai tein um ding.

2. Ruah lopi in nan inn hna dah a kangh ti lo ahcun, au khuan lengmang lem lo ding.

3.Nu le va bia al caan ah, teinak a hmumi paoh nih, diriam in I lak lei si loin a sungmi paoh hnemh lengmang ding, a bik in Nu ko hi bia al tthawngmi an si.

4.Thangchiat ding le nan I soisel ding asi ahcun, dawtnak taktak te he tuah ding asi.

Kan Nun Ah Theih A Hau Mi Tete

Thahrum le kutke zo  nak hmun ah, fimnak a um ballo.

Awka hrang le bia nek, a umnak ah dawtnak nih hmunhma a ngei tawn ve lo.

Mi derthawm nih, mi an ngaithiam kho bal hna lo.

Cungah cawimi si na duh ahcun, mi tangah I dor hmasa.

Nangmah naa hmuh ning kha na sinak taktak a si rih lo.

Tlangvaal Nih Kan Theih A Herhmi Nu Ziaza

Nu dai dimdiam tein a thut ko a si ahcun, a khur khuaruahmi a tam ngaingai ti nak a si.

 

Nu nih a mitsir in an zoh i ai herthan colh asi ahcun zeicandah ka pongah aum lai, sau aum lai maw? ti a ruah ti nak asi.

Nu nih tlawmpal hnuah, 'aw ka tha ko ' a ti asi ahcun,a rak tha lo a rak tuar ngaingai ti nak khi asi.